టీ20 వరల్డ్ కప్‌..ఫైనల్లో న్యూజిలాండ్

టీ20 వరల్డ్ కప్‌లో ఫైనల్లో అడుగుపెట్టింది న్యూజిలాండ్. తొలి సెమీ ఫైనల్లో ఇంగ్లాండ్‌పై కివీస్‌ 5 వికెట్ల తేడాతో ఘన విజయం సాధించింది. 167 పరుగుల విజయలక్ష్యంతో బ్యాటింగ్‌కు దిగిన న్యూజిలాండ్ జట్టు అలవోకగా విజయం సాధించింది. 19 ఓవర్లలో 5 వికెట్లు కోల్పోయి 167 పరుగులు చేసింది. న్యూజిలాండ్ జట్టులో ఓపెనర్ మిషెల్ (72 నాటౌట్), కాన్వే (46) విధ్వంసకర బ్యాటింగ్ చేసి సత్తా చాటారు.

అంతకముందు బ్యాటింగ్ చేసిన ఇంగ్లండ్ 4 వికెట్ల నష్టానికి 166 పరుగులు చేసింది. ఇంగ్లండ్ జట్టులో మొయిన్ అలీ (51), మలన్ (42) రాణించారు. ఈ విజయంతో న్యూజిలాండ్ తొలిసారి T20 ప్రపంచ కప్ ఫైనల్లోకి ప్రవేశించింది.