టీ న్యూస్ ప్రాపర్టీ ఎక్స్‌పోను ప్రారంభించారు ప్రభుత్వ విప్ భాను ప్రసాద్. హైదరాబాద్‌ హైటెక్స్‌లో రెండు రోజుల పాటు ఈ ప్రాపర్టీ షో జరగనుంది. ప్రారంభోత్సవం అనంతరం భాను ప్రసాద్ మాట్లాడుతూ హైదరాబాద్‌లో రియల్ ఎస్టేట్ రంగంలో పెట్టుబడులు పెట్టేందుకు ఇదే సరైన సమయమని అన్నారు.
ధరణి సహాయంతో రియల్ ఎస్టేట్ రంగంలో పెట్టుబడులు వెల్లువలా వస్తున్నాయన్నారు. ఎలాంటి అవకతవకలు పాల్పడే అవకాశం లేకపోవడంతో ప్రజలు పెద్ద ఎత్తున పెట్టుబడులు పెడుతున్నారన్నారు. తెలంగాణలో రియల్ ఎస్టేట్ రంగాన్ని తెలుసుకునేందుకు ప్రాపర్టీ షో సరైన అవకాశమన్నారు.
సరైన పెట్టుబడిని ఎంచుకోవడానికి ప్రజలు తప్పనిసరిగా ఈ ప్రదర్శనను ఉపయోగించుకోవాలన్నారు. ప్రారంభోత్సవ కార్యక్రమంలో టి న్యూస్ సిజిఎం ఉపేందర్‌, సీఈవో నారాయణరెడ్డి పాల్గొన్నారు. భాను ప్రసాద్ జ్యోతి ప్రజ్వలన చేసి ఇక్కడ వివిధ రియల్ ఎస్టేట్ కంపెనీల ప్రతినిధులతో మాట్లాడారు.
Also Read:ఏపీలో బండి సంజయ్ ఎంట్రీ.. వ్యూహమా?
