సైరా నుండి షాకింగ్ లుక్‌.. వైరల్‌

మెగాస్టార్ చిరంజీవి కెరీర్‌లో అత్యంత ప్రతిష్ఠాత్మకంగా తెరకెక్కిన చిత్రం ‘సైరా నరసింహారెడ్డి’.తొలి తరం స్వాతంత్య్ర సమరయోధుడు ఉయ్యాలవాడ నరసింహారెడ్డి జీవితచరిత్ర ఆధారంగా అత్యంత భారీ బడ్జెట్‌తో ఈ మూవీ తెరకెక్కింది. ఈ రోజు వినాయక చవితి పండుగ సంర్భంగా మెగా అభిమానులను సర్‌ప్రైజ్ చేస్తూ ‘సైరా’ మూవీ నుండి మెగా పోస్టర్ రిలీజ్ చేసింది చిత్రబృందం. ఈ మేరకు ప్రేక్షకులందరికీ వినాయక చవితి శుభాకాంక్షలు తెలిపారు.

ఈ సర్‌ప్రైజింగ్ లుక్‌లో తొలితరం స్వాతంత్ర్య సమరయోధుడు ఉయ్యాలవాడ నరసింహా రెడ్డిగా చిరంజీవి ఆకట్టుకుంటున్నాడు. ఆ నాటి జ్ఞాపకాలను నెమరు వేసేలా ఈ పోస్టర్ డిజైన్ చేశారు. గూడూరు గడ్డం, ఒత్తయిన జుట్టుతో మెగాస్టార్ లుక్ అదిరింది. కేవలం చిరంజీవిని మాత్రమే ఫోకస్ చేస్తూ వదిలిన ఈ పోస్టర్ నెట్టింట వైరల్‌గా మారింది.