నాట‌క క‌ళాకారుడు సురభి నాగేశ్వర్ రావు మృతి..

ప్రముఖ సుర‌భి నాట‌క క‌ళాకారుడు నాగేశ్వ‌ర‌రావు అలియాస్ సుర‌భి బాబ్జి (76) మృతి చెందారు. గురువారం సాయంత్రం హైద‌రాబాద్‌లోని మియాపూర్‌లో ఉన్న త‌న నివాసంలో ఆయ‌న తుది శ్వాస విడిచారు. గ‌త కొంత‌కాలంగా అనారోగ్యంతో బాధ‌ప‌డుతున్న ఆయన.. ఈ రోజు పరిస్థితి విషమించడంతో మరణించారు. నాట‌క రంగంలో తొలి ప‌ద్మ‌శ్రీ అవార్డును ద‌క్కించుకున్న క‌ళాకారుడిగా సుర‌భి బాబ్జికి మంచి గుర్తింపు ఉంది. పేరు నాగేశ్వ‌ర‌రావు అయినా సురభి నాట‌క క‌ళ‌తో ఆయ‌న పేరు సుర‌భి బాబ్జిగా మారిపోయింది.