రతాబాద్ ఎమ్మెల్యే దానం నాగేందర్కు అత్యున్నత న్యాయస్థానం సుప్రీంకోర్టులో గట్టి ఎదురుదెబ్బ తగిలింది. పార్టీ ఫిరాయింపుల నిరోధక చట్టం (Anti-Defection Law) కింద ఆయన్ను ఎమ్మెల్యే పదవికి అనర్హుడిగా ప్రకటిస్తూ తెలంగాణ హైకోర్టు ఇచ్చిన చారిత్రాత్మక తీర్పును సుప్రీంకోర్టు సమర్థించింది. హైకోర్టు ఉత్తర్వులపై స్టే ఇచ్చేందుకు సుప్రీంకోర్టు ధర్మాసనం తీవ్రంగా నిరాకరించడంతో ఖైరతాబాద్ అసెంబ్లీ స్థానానికి ఉపఎన్నిక అనివార్యమైంది.
2023 తెలంగాణ అసెంబ్లీ ఎన్నికల్లో ఖైరతాబాద్ నియోజకవర్గం నుంచి బిఆర్ఎస్ (BRS) పార్టీ బీ-ఫామ్పై పోటీ చేసి దానం నాగేందర్ విజయం సాధించారు. అయితే, ఆ తర్వాత మారిన రాజకీయ సమీకరణాల్లో భాగంగా ఆయన కాంగ్రెస్ పార్టీలో చేరారు. అంతేకాకుండా, కాంగ్రెస్ అభ్యర్థిగా సికింద్రాబాద్ లోక్సభ స్థానం నుంచి పోటీ చేశారు.
బిఆర్ఎస్ తరఫున గెలిచి, వేరే పార్టీ గుర్తుపై ఎంపీగా పోటీ చేయడం రాజ్యాంగంలోని 10వ షెడ్యూల్ (పార్టీ ఫిరాయింపుల నిరోధక చట్టం) ప్రకారం తీవ్ర ఉల్లంఘన అని బిజెపి శాసనసభాపక్ష నేత అల్లేటి మహేశ్వర్ రెడ్డి మరియు బిఆర్ఎస్ ఎమ్మెల్యే పాడి కౌశిక్ రెడ్డి అసెంబ్లీ స్పీకర్కు ఫిర్యాదు చేశారు. అయితే ఈ పిటిషన్లను స్పీకర్ తిరస్కరించడంతో వారు తెలంగాణ హైకోర్టును ఆశ్రయించారు.
కేసు విచారణ చేపట్టిన తెలంగాణ హైకోర్టు దివ్యమైన తీర్పును వెలువరించింది.ఇతర పార్టీ గుర్తుపై లోక్సభ అభ్యర్థిగా నామినేషన్ వేసిన ఏప్రిల్ 23, 2024 నాటి నుంచే దానం నాగేందర్ తన ఎమ్మెల్యే పదవికి అనర్హుడిగా మారాడని స్పష్టం చేసింది.స్పీకర్ నిర్ణయాన్ని రద్దు చేస్తూ, ఖైరతాబాద్ నియోజకవర్గం ఖాళీ అయినట్లు ప్రకటించింది.
హైకోర్టు ఇచ్చిన ఈ ఆదేశాలపై స్టే ఇవ్వాలంటూ దానం న్యాయవాదులు కోరిన అభ్యర్థనను కూడా ధర్మాసనం తిరస్కరించింది.హైకోర్టు డిస్క్వాలిఫికేషన్ ఉత్తర్వులపై స్టే విధించాలని కోరుతూ దానం నాగేందర్ సుప్రీంకోర్టులో స్పెషల్ లీవ్ పిటిషన్ (SLP) దాఖలు చేశారు. సీనియర్ అడ్వకేట్ ముకుల్ రోహత్గీ ఆయన తరఫున వాదనలు వినిపించారు.
Also Read:‘ది ప్యారడైజ్’..కేసీఆర్ జాతర!
అయితే, కేసును పరిశీలించిన సుప్రీంకోర్టు.. ఒక పార్టీ నుంచి ఎమ్మెల్యేగా గెలిచి మరొక పార్టీ నుంచి పార్లమెంట్ ఎన్నికల్లో పోటీ చేయడం స్పష్టమైన పార్టీ ఫిరాయింపు కిందకే వస్తుందని వ్యాఖ్యానించింది. హైకోర్టు ఇచ్చిన తీర్పు రాజ్యాంగబద్ధంగానే ఉందని పేర్కొంటూ, డిస్క్వాలిఫికేషన్పై ఎలాంటి స్టే ఇవ్వలేమని తేల్చిచెప్పింది.