కోర్టు విచారణల సందర్భంగా తప్పుదోవ పట్టించే సమాధానాలు ఇస్తూ, న్యాయస్థానాన్ని తక్కువగా అంచనా వేసినందుకు గానూ ప్రముఖ స్టాండప్ కమెడియన్ సమయ్ రైనాపై సుప్రీంకోర్టు తీవ్ర ఆగ్రహం వ్యక్తం చేసింది. కోర్టు ఆదేశాలను ఉల్లంఘించినందుకు సమయ్ రైనాకు రూ. 3 లక్షల జరిమానా విధిస్తూ సుప్రీంకోర్టు బెంచ్ ఉత్తర్వులు జారీ చేసింది. ఈ మొత్తాన్ని రెండు రోజుల్లోగా డిపాజిట్ చేయాలని, గడువులోగా చెల్లించకపోతే కఠిన చట్టపరమైన చర్యలు తప్పవని హెచ్చరించింది.
ఈ ఏడాది జనవరి 2025లో సమయ్ రైనా నిర్వహించిన ‘ఇండియాస్ గాట్ లేటెంట్’ షోలో దివ్యాంగులపై చేసిన కొన్ని అభ్యంతరకర వ్యాఖ్యలు, ఎఫ్ఐఆర్ (FIR) ల వివాదానికి సంబంధించిన కేసు విచారణ సందర్భంగా సుప్రీంకోర్టు ఈ సంచలన తీర్పునిచ్చింది.చీఫ్ జస్టిస్ బి.ఆర్. గవాయ్, జస్టిస్ సూర్యకాంత్ బాగ్చీలతో కూడిన ధర్మాసనం ఈ కేసును విచారించింది. విచారణ సందర్భంగా కోర్టు సమయ్ రైనా ప్రవర్తనపై తీవ్ర అసంతృప్తి వ్యక్తం చేసింది.
సమయ్ రైనా కోర్టును ఆటలాడించారని భావించడానికి మాకు స్పష్టమైన కారణాలు కనిపిస్తున్నాయి. కోర్టు ఆదేశాలను ఆయన బరితెగించి ఉల్లంఘించారు. రికార్డుల్లో ఎలాంటి అఫిడవిట్ దాఖలు కాకపోయినప్పటికీ.. అఫిడవిట్ సమర్పించామంటూ తప్పుడు వాదనలు చేయడం ద్వారా ఈ నేరాన్ని మరింత తీవ్రతరం చేశారు” అని సీజేఐ గవాయ్ వ్యాఖ్యానించారు.మొదట కోర్టు సమయ్ రైనాకు రూ. 10 లక్షల జరిమానా విధించింది. అయితే రైనా న్యాయవాది అభ్యర్థన మేరకు.. చివరకు ఈ జరిమానాను రూ. 3 లక్షలకు తగ్గించింది. ఈసారి కూడా ఆదేశాలు పాటించకపోతే ఈ జరిమానా రూ. 30 లక్షలకు చేరుతుందని హెచ్చరించింది.
ఒక కళాకారుడిగా మీరు పబ్లిక్ లైఫ్లో ఉన్నారు. సమాజంలో ఇతరులను ఎంతగా గౌరవిస్తే అంతగా మీ గౌరవం పెరుగుతుంది. మీరు పద్ధతి మార్చుకోకుండా, సమాజ సెంటిమెంట్లను గౌరవించకపోతే తీవ్ర పరిణామాలను ఎదుర్కోవాల్సి వస్తుంది” అని చీఫ్ జస్టిస్ సమయ్ రైనాకు గట్టి హెచ్చరిక జారీ చేశారు.
Also Read:రేవంత్ నిర్లక్ష్యం వల్లే సుప్రీంలో చుక్కెదురు