సూప‌ర్ స్టార్ మ‌హేశ్ బాబు ప్ర‌స్తుతం మ‌హ‌ర్షి సినిమాలో బిజీగా ఉన్నాడు. ఆయ‌న కెరీర్ లో ఇది 25వ చిత్రం కావ‌డంతో చాలా జాగ్ర‌త్త‌లు తీసుకుంటున్నారు. వంశీ పైడిప‌ల్లి ద‌ర్శ‌క‌త్వంలో తెర‌కెక్కుతున్న ఈమూవీని దిల్ రాజు, అశ్వీనిద‌త్ లు సంయుక్తంగా నిర్మిస్తున్నారు. మ‌హేశ్ స‌ర‌సన క‌థానాయిక‌గా పూజా హెగ్డె న‌టించ‌గా అల్ల‌రి న‌రేష్ ప్ర‌త్యేక‌మైన పాత్ర‌లో కనిపించ‌నున్నారు. ఈమూవీని ఎప్రిల్ లో విడుద‌ల చేసేందుకు స‌న్నాహాలు చేస్తున్నారు చిత్ర‌యూనిట్. ఇక మ‌హేశ్ త‌న త‌దుప‌రి చిత్రం సుకుమార్ తో చేయ‌నున్నాడు.
ద‌ర్శ‌కుడు సుకుమార్ ఇప్ప‌టికే క‌థ‌ను సిద్దం చేసిన‌ట్టు తెలుస్తుంది. త్వ‌ర‌లోనే ఈప్రాజెక్ట్ ప‌ట్టాలెక్క‌నుంద‌ని స‌మాచారం. తాజాగా ఉన్న స‌మాచారం ప్ర‌కారం ద‌ర్శ‌కుడు అనిల్ రావిపూడి ఇటివ‌లే మ‌హేశ్ కు క‌థ చెప్పినట్టు స‌మాచారం. అనిల్ చెప్పిన స్టోరీ న‌చ్చ‌డంతో మ‌హేశ్ గ్రీన్ సిగ్న‌ల్ ఇచ్చాడ‌ని స‌మాచారం.
మ‌హేశ్ బాబు సొంత బ్యాన‌ర్లో ఈచిత్రం తెర‌కెక్క‌నుంద‌ని తెలుస్తుంది. వ‌రుస హిట్ల‌తో దూసుకుపోతున్న అనిల్ రావిపూడి ఈసారి స్టార్ హీరోనే లైన్ లో పెట్టేశాడు. ఇటివ‌లే అనిల్ రావిపూడి తెర‌కెక్కించిన ఎఫ్ 2 చిత్రం భారీ విజ‌యాన్ని సాధించ‌న విష‌యం తెలిసిందే.
