సన్నీలియోన్….ఈ పేరు వినగానే కుర్రకారులో సెగలు పుడుతుంటాయి. ప్రపంచ వ్యాప్తంగా ఈ సెక్సీ బాంబ్ చేస్తోన్న అందాల కనువిందుకు కోట్లలో వీరాభిమానులున్నారు. అంతెందుకు sunny అనే పేరు గూగుల్ సెర్చ్‌లో టైప్‌ చెయ్యగానే ఎప్పుడూ టాప్ ట్రెండింగ్‌లో కనిపిస్తుంది.
అయితే ఇటీవల షారుక్ ఖాన్ నటించిన ‘రాయీస్’ చిత్రంలో అలనాటి ‘లైలా మే లైలా’ రీమిక్స్ సాంగ్‌తో సన్నీ తన అందచందాలతో విందు ఇవ్వడంతో ప్రపంచవ్యాప్తంగా ఎక్కువగా చూసిన వీడియోల్లో సన్నీ లియోన్ ‘లైలా మే లైలా..’ టాప్ ప్లేస్‌లో నిలిచింది. దీంతో సన్నీ రేంజ్ ఎక్కడికో వెల్లిపోయింది. అయితే తాజాగా ఈ సెక్సీబాంబ్ టాలీవుడ్‌లోనూ ఓ ఐటమ్ సాంగ్‌తో పేలనుంది. ఇదే ఇప్పుడు హాట్ టాపిక్ అయ్యింది.
రాజశేఖర్ హీరోగా నటించిన ‘పి.ఎస్.వి గరుడవేగ 126.18’ మూవీ వచ్చేనెల 3వ తేదీన రిలీజ్ కు రెడీగా ఉంది. ఈ సినిమాలో సన్నీలియోన్ ఓ ఐటమ్ సాంగ్‌లో తనదైన శైలిలో పెర్ఫామ్ చేసిందట. ఈ సినిమాలోని ‘డియో.. డియో’ ఐటమ్ సాంగ్‌కి పిచ్చెక్కించే స్టెప్పులతో సన్నీ రెచ్చిపోయిందని టాక్‌. ఇక ఈ ఐటెం సాంగ్ ఈ సినిమాకి హైలైట్ కానుందని తెలుస్తోంది.
ఇదిలా ఉంటే విడుదలకు సిద్ధమైన గరుడవేగ మూవీ ప్రమోషన్స్‌లో భాగంగా.. ఈ సినిమా ప్రీ రిలీజ్ ఈవెంట్‌కి సన్నీ లియోన్‌ని పిలిపించి ‘గరుడవేగ’ ఐటమ్ సాంగ్ డియో.. డియో.. సాంగ్‌కి స్టెప్పులేయించేందుకు రంగం సిద్ధం చేస్తుంది చిత్రటీమ్‌.
అక్టోబర్ 27న జరిగే ‘గరుడవేగ’ ప్రీ రిలీజ్ ఈవెంట్‌కు సన్నీ లియోన్ హాజరుకావడమే కాకుండా లైవ్‌లో డియో.. డియో సాంగ్‌కి స్టెప్పేస్తుందట. ఇప్పటికే ‘రోగ్‌’ స్టేజ్‌ పై సన్నీతో పూరి స్టెప్పులేయించిన విషయం తెలిసిందే. మరిప్పుడు ‘గరుడవేగ’ స్టేజ్‌ పై సన్నీ ఏ రేంజ్‌లో రెచ్చిపోతుందో..చూడాల్సిందే..!
