‘గాలోడు’ యాక్షన్‌తో దుమ్ములేపేశాడు.. టీజర్‌..

తెలుగు రాష్ట్రాల్లో నటుడు సుడిగాలి సుధీర్ పేరు తెలియని వారుండరు. జబర్దస్త్ షోతో మంచి గుర్తింపు తెచ్చుకున్నాడు సుధీర్. అప్పుడప్పుడు వెండి తెరపై కూడా మెరుస్తున్నాడు. సుధీర్‌ సోలో హీరోగా చేస్తున్న తాజా చిత్రం గాలోడు. రాజశేఖర రెడ్డి పులిచర్ల ఈ చిత్రానికి దర్శకుడు. సుడిగాలి సుధీర్చిత్రం తరువాత ఆయన చేస్తున్న రెండవ సినిమా ఇది. ఈ మూవీ టీజర్‌ను తాజాగా రిలీజ్ చేశారు.

`అదృష్టాన్ని నమ్ముకున్న వాళ్లు కష్టాల పాలవుతారు…కష్టాన్ని నమ్ముకున్న వాళ్లు అదృష్టవంతులవుతారు.. కానీ నేను ఈ రెండింటినీ నమ్ముకోను… నన్ను నేను నమ్ముకుంటా.. అంటూ సుధీర్ చెబుతున్న డైలాగ్ లతో టీజర్ మొదలైంది. టీజర్‌లో సుడిగాలి సుధీర్ నటించిన యాక్షన్ సన్నివేశాలు ఆకట్టుకున్నాయి. షూటింగ్ పూర్తి చేసుకుని పోస్ట్ ప్రొడక్షన్ కార్యక్రమాలు జరుపుకుంటున్న ఈ మూవీ ని త్వరలోనే విడుదల కానుంది.