పహిల్వాన్‌గా కిచ్చా సందీప్‌…లుక్ అదిరింది

బాహుబలి,ఈగ చిత్రాలతో తెలుగులో ఫ్యాన్‌ ఫాలోయింగ్ సంపాదించుకున్న హీరో సుదీప్‌. కన్నడలో స్టార్‌ హీరోగా ఉన్న సుదీప్ ప్రస్తుతం ఎస్ కృష్ణ దర్శకత్వంలో పహిల్వాన్ అనే చిత్రం చేస్తున్నారు. ఈ సినిమాలో పహిల్వాన్‌గా సుదీప్ అలరించనుండగా తాజాగా విడుదల చేసిన లుక్‌తో అదరగొట్టాడు. అచ్చం పహిల్వాన్‌లా సమరానికి సిద్ధం అంటూ డిజైన్ చేసిన పోస్టర్ అందరిని ఆకట్టుకుంటోంది.

సినిమాలోని వ‌చ్చాడ‌య్యో ప‌హిల్వాన్ అనే సాంగ్‌ని రేపు సాయంత్రం 6.30ని.ల‌కి విడుద‌ల చేయ‌నున్నట్టు పోస్ట‌ర్ ద్వారా ప్ర‌క‌టించింది చిత్ర బృందం. ఆ పోస్ట‌ర్‌లో సుదీప్ లుక్ ఎంత‌గానో ఆక‌ట్టుకుంటుంది.

సుదీప్ సరసన ఆకాంక్ష సింగ్ హీరోయిన్‌గా నటిస్తుండగా కబీర్‌ దుహాన్‌సింగ్‌ ప్రతినాయక పాత్రలో కనిపించనున్నారు. అర్జున్ జ‌న్యా సంగీతం అందించిన ఈ చిత్రం తెలుగులో ప‌హిల్వాన్ అనే టైటిల్ తో విడుద‌ల కానుంది.