సతీశ్ వేగేశ్న దర్శకత్వంలో నితిన్ హీరోగా శ్రీనివాస కల్యాణం సినిమా తెరకెక్కుతున్న సంగతి తెలిసిందే. నితిన్ సరసన రాశి ఖన్నాతో పాటు నందిత శ్వేత హీరోయిన్లుగా నటిస్తున్న ఈ సినిమాను దిల్ రాజు నిర్మిస్తున్నారు.శరవేగంగా షూటింగ్ జరుపుకుంటున్న ఈ చిత్రం త్వరలో ప్రేక్షకుల ముందుకురానుంది.
సినిమా ప్రమోషన్‌లో భాగంగా సినిమా కాన్సెప్ట్ టీజర్‌ని ఈ నెల 19న విడుదల చేయనున్నారు. కాన్సెప్ట్ టీజర్‌తో పాటు ఆడియో రిలీజ్ డేట్‌ అనౌన్స్ చేయనున్నారు. ఈ మేరకు పోస్టర్‌ విడుదల చేసిన చిత్రయూనిట్ ఇది ఓ ఈవెంట్ కాదని…బ్యూటిఫుల్ మూమెంట్ అని తెలిపింది.
వరుసగా రెండు సినిమాలు ఫ్లాప్‌లతో ఉన్న నితిన్ ఈసారి ఎలాగైనా సక్సెస్ సాధించాలని కసి మీద ఉన్నాడు. గతంలో దిల్ రాజు-సతీశ్ వేగేశ్న కాంబినేషన్‌లో వచ్చిన శతమానం భవతి సంక్రాంతి రేసులో మంచి వసూళ్లను రాబట్టిన సంగతి తెలిసిందే. ఈ నేపథ్యంలో శ్రీనివాస కల్యాణంపై కూడా భారీ అంచనాలు నెలకొన్నాయి.
