బిగ్గెస్ట్ స్టార్స్ తో నా కల నెరవేరింది అంటుంది శ్రీలీల. బాలయ్య బాబు గారు, మహేష్ బాబు గారితో కలిసి పని చేయడంతో నా కల నెరవేరింది. భగవంత్ కేసరి, గుంటూరు కారం రెండూ డిఫరెంట్ ఎంటర్ టైనర్స్ అని హీరోయిన్ శ్రీలీల చెప్పుకొచ్చింది. ప్రేక్షకులు ఎంతగానో ఎదురుచూస్తున్న గుంటూరు కారం జనవరి 11న, 2024 న ప్రపంచవ్యాప్తంగా విడుదలవుతున్న నేపథ్యంలో ఈ సినిమాలో హీరోయిన్ గా నటిస్తోన్న శ్రీలీల ప్రస్తుతం తన పాత్రకు డబ్బింగ్ చెబుతుంది. ఈ క్రమంలో ఆమె ఈ సినిమా గురించి కొన్ని ముచ్చట్లు చెప్పింది.
ఇంతకీ, శ్రీలీల ఏం చెప్పింది అంటే.. ‘నాకు చాలా ఆనందంగా వుంది. బాలయ్య గారు, సూపర్ స్టార్ మహేష్ బాబు గారు.. ఇండస్ట్రీ బిగ్గెస్ట్ స్టార్స్. వారితో కలసి నటించడంతో నా కల నెరవేరినట్లయింది. బాలయ్య గారు రియల్లీ క్యూట్. ఇక మహేష్ గారితో డ్యాన్స్ చేసే అవకాశం రావడం చాలా అదృష్టం. ఈ సినిమాలో ఓ రొమాంటిక్ మెలోడి ఉంది. ఒక హుక్ స్టెప్ కూడా వుంటుంది. అలాగే చాలా గ్రేస్ ఫుల్ మూమెంట్స్ వుంటాయి. స్విజ్జర్లాండ్ లో చాలా బ్యూటీఫుల్ గా షూట్ చేశాం. నాకు ఈ పాట ద్వారా మంచి పేరు వస్తోంది. అలాగే మహేష్ గారు కూడా ఈ పాటలో కొత్తగా కనిపిస్తారు’ అంటూ శ్రీలీల తెలిపింది.
గుంటూరు కారం సినిమాలో మీ పాత్ర గురించి చెప్పండి అంటే.. శ్రీలీల స్పందిస్తూ.. నా పాత్ర కొత్తగా వుంటుంది. నిజానికి నా పాత్రలో చాలా వేరియేషన్స్ ఉంటాయి. అలాగే నాది చాలా డిఫరెంట్ గా క్యారెక్టరైజేషన్ కూడా. పైగా నాది ఫుల్ లెంత్ రోల్. ఈ సినిమాతో నాకు చాలా అసోసియేషన్ వుంది. త్రివిక్రమ్ గారు చాలా క్యాజువల్ గా వుంటారు. ఇందులో నా పాత్రకు హ్యుమర్ వుంటుంది. సెట్స్ లో చాలా జాలీగా గడిచింది. హ్యూమర్, కామెడీని చాలా ఎంజాయ్ చేస్తూ చేశాను. త్రివిక్రమ్ గారు హ్యూమర్ ని చాలా అద్భుతంగా డిజైన్ చేశారు అంటూ శ్రీలీల ముగించింది.
Also Read:Revanth Reddy:రేవంత్ రెడ్డి టీడీపీ కోసమేనా?
