ఆ రాష్ట్రాలకు కేంద్ర బృందాలు..!

థర్డ్ వేవ్‌ని ఎదుర్కొనేందుకు అన్ని చర్యలు చేపడుతున్నామని నీతి అయోగ్ సభ్యులు వీకే పాల్ తెలిపారు. కరోనా కేసులు క్రమంగా తగ్గుతూ ఉన్నా…కొన్ని రాష్ట్రాల్లో ఇంకా ఆందోళన కర పరిస్థితి నెలకొందన్నారు.

కరోనా కట్టడి చర్యల కోసం కేంద్రం… 6 రాష్ట్రాలకు మల్టీ డిసిప్లినరీ బృందాలను పంపినట్టు వెల్లడించారు. కేరళ, అరుణాచల్ ప్రదేశ్, త్రిపుర, ఒడిశా, ఛత్తీస్‌గఢ్, మణిపూర్‌ రాష్ట్రాలకు ఈ బృందాలు వెళ్లాయని తెలిపారు. కరోనా కట్టడిని తీసుకుంటున్న చర్యలను ఈ బృందాలు పర్యవేక్షిస్తాయన్నారు.

ముఖ్యంగా నిఘా, కరోనా నిరోధక చర్యలు, పరీక్షలు, కోవిడ్ నిబంధనావళి అమలు, ఆసుపత్రి పడకలు, అంబులెన్స్, వెంటిలేటర్లు,మెడికల్ ఆక్సిజన్ వంటి సౌకర్యాలను సమీక్షిస్తారని వెల్లడించారు. సెకండ్‌ వేవ్‌ ఇంకా ముగిసిపోలేదని….కరోనా నిబంధనలు పాటించాలని స్పష్టం చేశారు.