ప్రశాంత్ నీల్ దర్శకత్వంలో తెరకెక్కిన తాజా చిత్రం ‘సలార్. దేశవ్యాప్తంగా భారీ అంచనాల నడుమ శుక్రవారం ప్రేక్షకుల ముందుకొచ్చిన విషయం తెలిసిందే. అయితే ప్రశాంత్ నీల్ సినిమాల‌లో బ్యాక్ గ్రౌండ్ స్కోర్ గురించి చెప్పనక్కరలేదు. తాజాగా వ‌చ్చిన స‌లార్‌లో బీజీఎం గూస్ బంప్స్ తెప్పించింది. ఈ సినిమాకు ప్రధాన బలమైన బీజీఎంను తాజాగా చిత్ర యూనిట్ రిలీజ్‌ చేసింది. ‘సౌండ్‌ ఆఫ్‌ సలార్’ పేరుతో ఈ వీడియోను విడుదల చేసింది. ప్రస్తుతం ఈ వీడియో వైరల్ అవుతుంది.
మరోవైపు ‘సలార్’ బాక్సాఫీస్ వద్ద బ్లాక్ బస్టర్ హిట్ టాక్తో దూసుకుపోతుంది. ఈ సినిమాకు తొలిరోజు ప్రపంచవ్యాప్తంగా రూ.175కోట్లు కలెక్షన్స్ వచ్చినట్లుగా సినీ ట్రేడ్ వర్గాలు చెబుతున్నారు. దేశవ్యాప్తంగా రూ.95 కోట్లు వసూలు చేసి ఈ ఏడాదిలో బిగ్గెస్ట్ ఓపెనర్గా నిలిచినట్లు సమాచారం. ఇక ఈ ఏడాది మొదటి రోజు జవాన్(రూ.75కోట్లు), యానిమల్( రూ.63కోట్లు), పఠాన్(రూ.57కోట్లు) రాబట్టాయి. మొత్తానికి సలార్ పార్ట్1 సీజ్ ఫైర్ సినిమాకు ఆడియ‌న్స్ నుంచి పాజిటివ్ రెస్పాన్స్ వ‌స్తోంది. దీంతో సలార్2పై భారీ అంచ‌నాలున్నాయి.
అన్నట్టు ‘సలార్ పార్ట్ 1’మూవీపై మెగాస్టార్ చిరంజీవి స్పందించారు. ‘మై డియర్ ‘దేవా’(ప్రభాస్) కంగ్రాట్యులేషన్స్. డైరెక్టర్ ప్రశాంత్ నీల్‌కి నా అభినందనలు. సరికొత్త ప్రపంచాన్ని సృష్టించడంలో మీకు మీరే సాటి. వరదరాజ మన్నార్ పాత్రలో పృథ్వీరాజ్ సుకుమారన్, ఆద్యగా శృతి హాసన్, కార్త పాత్రలో జగపతి బాబు అద్భుతంగా నటించారు. అలాగే చిత్ర యూనిట్ మొత్తానికి కంగ్రాట్స్’ అంటూ ట్వీట్ చేశారు.
Also Read:నెలసరి సమస్యలకు..పరిష్కారం!
