భారీ స్థాయిలో డ్రగ్స్ పట్టివేత..

హైదరాబాద్‌లో భారీ స్థాయిలో డ్రగ్స్ ను పోలీసులు పట్టుకున్నారు. కుషాయిగూడలో మాదకద్రవ్యాలు తరలిస్తున్న ముఠా సభ్యులను పోలీసులు అరెస్ట్‌ చేశారు. ముగ్గురు సభ్యుల అంతరాష్ట్ర ముఠాను ఎస్‌వోటీ పోలీసులు అరెస్ట్‌ చేశారు. నిందితుల వద్ద నుంచి 150 గ్రాముల బ్రౌన్‌ హెరాయిన్‌, 2 కిలోల గంజాయిని స్వాధీనం చేసుకున్నారు. హైదరాబాద్‌ శివారు ప్రాంతాలైన కీసర, జవహర్ నగర్, కుషాయిగూడ పీఎస్ పరిధిలో ఈ ముఠా డ్రగ్స్ సరఫరా చేస్తున్నట్లు తెలిపారు.

ఈ ముఠా రేవ్ పార్టీలు, పబ్ లకు డ్రగ్స్ సరఫరా చేసే ప్రయత్నం చేస్తున్నట్లు పోలీసులు చెప్పారు. మరి కొద్ది రోజుల్లో న్యూ ఇయర్ పార్టీల కోసం డ్రగ్స్‌ను ఈ ముఠా హైదరాబాద్‌కు తెచ్చినట్లు తమ ప్రాథమిక దర్యాప్తులో తేలిందని పోలీసులు వెల్లడించారు. అరెస్టు చేసిన నిందితులను రిమాండ్‌కు తరలించినట్లు పోలీసులు తెలిపారు.