బిగ్ బాస్ ఫేమ్ సొహైల్, మోక్ష జంటగా ఎ.ఆర్ అభి దర్శకత్వంలో తెరకెక్కుతున్న చిత్రం ‘లక్కీ లక్ష్మణ్’. ఈ సినిమాను వైష్ణవి ఆర్ట్స్, దత్తాత్రేయ మీడియా పతాకంపై హరిత గోగినేని, రమ్య ప్రభాకర్ సంయుక్తంగా నిర్మిస్తున్నారు. ఈ చిత్రానికి అనూప్ రూబెన్స్ సంగీతం అందిస్తుండగా, భాస్కరభట్ల సాహిత్యం సమకూర్చారు. ప్రవీణ పూడి (ఎడిటింగ్), ఐ ఆండ్రూ (కెమెరా) వంటి ప్రతిభావంతులు ఈ చిత్రం కోసం పనిచేస్తున్నారు. ఈ చిత్రంలో దేవి ప్రసాద్, రాజా రవీందర్, సమీర్ తదితరులు నటిస్తున్నారు.
శుక్రవారం ఈ చిత్ర ప్రారంభోత్సవ పూజా కార్యక్రమాలు హైదరాబాద్‌లోని ప్రసాద్ ల్యాబ్‌లో ఘనంగా జరిగాయి. ఈ కార్యక్రమానికి ముఖ్య అతిథులుగా హాజరైన నిర్మాతలు మిరియాల రవీందర్ రెడ్డి, బెక్కం వేణుగోపాల్, పుప్పాల రమేష్ మరియు రాజా రవీంద్ర‌లు స్క్రిప్ట్‌ను అందించగా.. దర్శకుడు ప్రవీణ్ సత్తారు హీరో సొహైల్, హీరోయిన్ మోక్షలపై చిత్రీకరించిన ముహూర్తపు సన్నివేశానికి క్లాప్ కొట్టారు.నిర్మాత సి.కళ్యాణ్ గౌరవ దర్శకత్వం వహించారు. నిర్మాత అప్పిరెడ్డి చిత్ర మోషన్ పోస్టర్‌ను విడుదల చేశారు.
