టీమిండియా ఓపెనర్‌ రోహిత్ శర్మపై సంచలన వ్యాఖ్యలు చేసింది మోడల్ సోఫియా హయత్. తాను రోహిత్ ప్రేమించుకున్నామని ఏకాంతంగా కూడా గడిపామని బాంబు పేల్చింది. త్వరలో తన జీవితంపై ఓ పుస్తకం రాయాలనకుంటున్నానని అందులో రోహిత్‌తో తనకున్న ఎఫైర్ గురించి ప్రస్తావించనున్నట్లు చెప్పింది.
2012లో రోహిత్ తో డేటింగ్ చేశానని, లండన్ లోని ఓక్లబ్ లో తొలిసారి ఇద్దరం ఏకాంతంగా కలిశామని తెలిపింది. తన స్నేహితురాలి ద్వారా రోహిత్‌ను కలిసానని ఆ పరిచయం కాస్త ప్రేమగా మారిందని వెల్లడించింది. తాను క్రికెట్‌ను ఎక్కువగా చూడనని, అందుకే రోహిత్ క్రికెటర్ అన్న విషయం అప్పటి వరకు తనకు తెలియదని పేర్కొంది.
మీడియాకు తెలియనంత వరకు తమ ప్రేమ వ్యవహారం బాగానే సాగిందని, ఆ తర్వాత మీడియా ప్రశ్నించడంతో రోహిత్ తప్పించుకున్నాడని సోఫియా పేర్కొంది. సోఫియాతో రోహిత్ సన్నిహితంగా ఉన్న ఫోటో అప్పట్లో వైరల్‌గా మారిన సంగతి తెలిసిందే.ఈ వార్తలపై రోహిత్ ఏ విధంగా స్పందిస్తారో వేచిచూడాలి.
