మహారాష్ట్రలోని ధూలే జిల్లా, శిర్పూర్ తాలూకాలోని బోరేడీ గ్రామానికి చెందిన ఓ యువకుడిని అటవీశాఖ అధికారులు అదుపులోకి తీసుకున్నారు. పాముకు “పుట్టినరోజు” వేడుక జరిపిన వీడియో సోషల్ మీడియాలో వైరల్ కావడంతో, వైల్డ్లైఫ్ ప్రొటెక్షన్ యాక్ట్ ప్రకారం ఆ యువకుడిని అరెస్ట్ చేశారు.
అరెస్టైన వ్యక్తిని రాజ్ సహెబ్రావ్ వాఘ్గా గుర్తించారు. ఈ సంఘటన భారత వన్యప్రాణి చట్టాల కింద ఇలాంటి చర్యల ప్రభావంపై చర్చలకు దారితీసింది. ఇన్స్టాగ్రామ్లో షేర్ అయిన ఈ వీడియోపై నెటిజన్లు సైతం ఆగ్రహం వ్యక్తం చేశారు.
వైల్డ్లైఫ్ ప్రొటెక్షన్ యాక్ట్ ప్రకారం, పాములు సహా ఏ వన్యప్రాణి పుట్టినరోజు వేడుకలు జరపడం చట్ట విరుద్ధం. ఈ చట్టం వన్యప్రాణులను రక్షించడం, వాటి జీవావరణాన్ని సంరక్షించడం లక్ష్యంగా పెట్టుకుంది. వన్యప్రాణులను పట్టుకోవడం లేదా అనుమతి లేకుండా వాటిని తన వద్ద ఉంచుకోవడం కూడా ఈ చట్టం కింద నిషేధం.
Also Read:TTD:అందుబాటులోకి స్వామి పుష్కరిణి