పశ్చిమాసియా ప్రాంతంలో నెలకొన్న యుద్ధ వాతావరణానికి తాత్కాలిక ఉపశమనం లభించింది. ఇటీవల తీవ్ర ఉద్రిక్తతల మధ్య, ఇరాన్ రెండు వారాల కాల్పుల విరమణకు అంగీకరించడం అంతర్జాతీయ వర్గాల్లో ఆశాజనక సంకేతంగా మారింది.
ఈ మేరకు ఇరాన్ విదేశాంగ మంత్రి అబ్బాస్ అర్గాచీ ప్రకటన చేశారు. ఈ కాల్పుల విరమణ పూర్తిస్థాయి శాంతి ఒప్పందం కాదని, చర్చలకు మార్గం సుగమం చేయడానికే తాత్కాలిక చర్య అని చెప్పారు. సమస్యలకు రాజనీతిక పరిష్కారం కనుగొనేందుకు ఈ విరమణ ఉపయోగపడుతుందని ఆయన అభిప్రాయపడ్డారు.
ఈ ఒప్పందం ప్రకారం, వ్యూహాత్మకంగా కీలకమైన Strait of Hormuz ప్రాంతంలో నౌకల రాకపోకలు కొనసాగుతాయి. అయితే అవి సాయుధ దళాల పర్యవేక్షణలో జరుగుతాయని వెల్లడించారు. ప్రపంచ చమురు సరఫరాకు ఈ మార్గం అత్యంత కీలకం కావడంతో, దీనిపై తీసుకున్న నిర్ణయం గ్లోబల్ మార్కెట్లకు ఊరట కలిగించింది.
ఇరాన్ తన వైపు నుంచి 10 సూత్రాల ప్రతిపాదనను ముందుకు తీసుకువచ్చింది. ఈ ప్రతిపాదనలో భద్రత, ఆర్థిక పరిమితుల సడలింపు, పరస్పర గౌరవం వంటి అంశాలు ఉన్నట్లు తెలుస్తోంది. ఈ ప్రతిపాదనలకు అమెరికా అధ్యక్షుడు డోనాల్డ్ ట్రంప్ సానుకూలంగా స్పందించినట్లు సమాచారం.
Also Read:ఆల్కహాల్ టూ కాఫీ..గట్ హెల్త్కు హాని చేసేది ఏది?
మొత్తానికి, ఈ తాత్కాలిక విరమణ పశ్చిమాసియా ప్రాంతంలో ఉద్రిక్తతలను తగ్గించే దిశగా ఒక కీలక అడుగుగా భావిస్తున్నారు.