ఒడిశా సీఎంను కలిసిన సింగరేణి సీఎండీ

ఒడిస్సా రాష్ట్రంలో ‘నైనీ’ బొగ్గు గని ప్రారంభానికి సన్నాహాలు ముమ్మరం చేశారు. దీని కోసం ఒడిశా రాష్ట్ర ముఖ్యమంత్రి నవీన్ పట్నాయక్, చీఫ్ సెక్రటరీ ఆదిత్య ప్రసాద్ పాథిని సింగరేణి సి అండ్‌ ఎం.డి. ఎన్.శ్రీధర్ కలిశారు. ఈ సందర్భంగా భూసేకరణ, అనుమతుల్లో ఒరిస్సా ప్రభుత్వ సహకారం అందించాలని సి&ఎం.డి. ఎన్.శ్రీధర్‌ కోరారు.

దీనికి స్పందించిన ఒడిశా  రాష్ట్ర ముఖ్యమంత్రి, చీఫ్ సెక్రటరీలు సానుకూలత తెలిపారు. నైనీ బ్లాకులో 34 కోట్ల (340 మిలియన్) టన్నుల బొగ్గు నిల్వలు – ఏడాదికి కోటి (10 మిలియన్) టన్నుల బొగ్గు ఉత్పత్తికి సింగరేణి ప్రణాళిక రూపొందిస్తోంది. ఇక ఫణి తుఫాను బాధిత ఒడిస్సా రాష్ట్రానికి సింగరేణి సి&ఎం.డి. ఎన్.శ్రీధర్ సహయంగా కోటి రూపాయల విరాళం చెక్కును ముఖ్యమంత్రి నవీన్ పట్నాయక్ కు అందజేశారు.