అప్‌మింగ్‌ హీరోలు, చిన్న హీరోలు పెద్ద హీరోలతో పోటీ పడేందుకు చాలానే ఆలోచిస్తుంటారు. పెద్ద హీరోల సినిమాలతో పోటీ పడడం ఎందుకని కుదిరితే వారి సినిమాను వాయిదా వేసుకోవడమో, లేదంటే ముందే రిలీజ్‌ చేయడమో చేస్తుంటారు. కానీ అలాంటి వారందరికీ భిన్నమైన హీరో శర్వానంద్‌. తనకు పెద్ద హీరోలే పోటీ అన్నట్లుగా వారితో పాటు బరిలోకి దిగి విజయం సాధిస్తూ వస్తున్నాడు.
ఇప్పటికే వరుసగా రెండు సార్లు సంక్రాంతి బరిలో సీనియర్ స్టార్ హీరోలతో పోటిపడ్డ శర్వ, ఈ సారి దసరా బరిలో అదే ఫీట్ చేసేందుకు రెడీ అవుతున్నాడు.
మారుతి దర్శకత్వంలో శర్వానంద్‌ హీరోగా తెరకెక్కుతున్న ‘మహానుభావుడు’ను దసరాకు రిలీజ్‌ చేయాలని చిత్ర యూనిట్‌ భావిస్తోంది.
అయితే ఇప్పటికే దసరా బరిలో ఎన్టీఆర్‌ ‘జై లవ కుశ’, మహేష్ ‘స్పైడర్’ సినిమాలతో వస్తుండగా, వారితో పాటు పోటీ పడేందుకు శర్వా సిద్ధమైనట్లు తెలుస్తుంది. దీనిపై త్వరలోనే అధికారిక ప్రకటన కూడా ఇవ్వనున్నట్లు సమాచారం. ఒకవేళ ఇదే నిజమైతే మరి ఈ సారి కాంపిటేషన్‌లో శర్వా ఎలాంటి ఫలితాన్ని పొందుతాడో చూడాలి.
