నేచురల్ స్టార్ నాని తాజాగా గౌతమ్ తిన్ననూరి దర్శకత్వంలో జెర్సీ సినిమా చేయడానికి గ్రీన్ సిగ్నల్ ఇచ్చాడు. ఈ సినిమాలో నాని వేసుకునే జెర్సీ నెంబర్ 36 ఫొటోతో ఈ విషయం రివీల్ చేశారు. ఈ ఫొటో టైటిల్ ను బట్టి ఇది స్పోర్ట్ బేస్ డ్ సినిమా అని చెప్పేయొచ్చు. ఈ జెర్సీ కథ ప్రస్తుత టైంలో నడవదు. ఇది ఓ పీరియాడికల్ స్టోరీ. 1985 నుంచి 1995 వరకు జరిగిన ఇన్సిడెంట్ల చుట్టూ స్టోరీ తిరుగుతుంది. ఇండియన్ క్రికెట్ టీం చేరాలని కలలు కనే ఓ కుర్రాడి కథగా జెర్సీ ఉంటుందని తెలిసింది.
ప్ర‌ముఖ చిత్ర నిర్మాణ సంస్థ సితార ఎంట‌ర్‌టైన్‌మెంట్‌లో తెరకెక్కుతున్న ఈ సినిమాలో నాని సరసన క‌థానాయిక‌గా శృతి హాస‌న్‌ని తీసుకోనున్నారట. ఇప్ప‌టికే ఆమెతో చ‌ర్చ‌లు జ‌రిపిన నిర్మాత‌లు త్వ‌ర‌లో దీనిపై అఫీషియ‌ల్ ప్ర‌క‌ట‌న కూడా చేయ‌నున్న‌ట్టు స‌మాచారం. మ‌రోవైపు అమ‌ర్ అక్భ‌ర్ ఆంటోని చిత్రంలోను శృతి హాసన్ ఓ క‌థానాయిక‌గా ఉంద‌ని టాక్.
తెలుగులో టాప్ హీరోయిన్‌గా ఉన్న ఈ అమ్మ‌డు చివరిగా కాట‌మ‌రాయుడు అనే చిత్రం చేసింది . ఇటీవ‌ల హిందీలో బెహెన్ హోగీ తేరీ అనే చిత్రంతో ప్రేక్ష‌కుల ముందుకు వ‌చ్చింది . త‌న తండ్రి స్వీయ దర్శకత్వంలో రూపొందిన శ‌భాష్ నాయుడు చిత్రంలో న‌టించింది శృతి . ఈ సినిమా త్వ‌ర‌లోనే విడుద‌ల కానుంది.
