- Advertisement -
మెగాస్టార్‌ చిరంజీవి యంగ్‌ హీరోలతో పోటీపడుతూ సినిమాలు చేస్తున్నారు. ప్రస్తుతం చిరు ‘భోళా శంకర్‌’, ‘గాడ్‌ ఫాదర్‌’, చిత్రాలతో బిజీగా ఉన్నారు. అలాగే మెగాస్టార్‌ నటించిన ‘ఆచార్య’ మూవీ విడుదలకు సిద్ధంగా ఉంది. వీటితో పాటు బాబీ దర్శకత్వంలో మెగా 154, వెంకీ కుడుములతో ‘మెగా 155’ చిత్రాలు ప్రకటించారు.
అయితే ఇందులో బాబీ దర్శకత్వం వహిస్తున్న చిరు 154కు హీరోయిన్‌ను ప్రకటించారు. ఈ మూవీలో శ్రుతీహాసన్‌ చిరు సరసన నటించనుంది. ఈ విషయాన్ని మహిళా దినోత్సవం సందర్భంగా చిరంజీవి ట్విట్టర్‌ వేదికగా వెల్లడించారు. ‘మెగా154లో శ్రుతీహాసన్‌ అడుగుపెట్టింది’’ అంటూ చిరంజీవి ట్వీట్‌ చేశారు. ఈ చిత్రంలో చిరంజీవి పాత్ర ఊర మాస్‌గా ఉండబోతుందని ఇప్పటికే విడుదల చేసిన ఫస్ట్‌లుక్‌ ద్వారా తెలిసింది.
- Advertisement -
