- Advertisement -
తనకు కరోనా వైరస్ దొరికితే దాన్ని తీసుకెళ్లి మహారాష్ట్ర మాజీ ముఖ్యమంత్రి దేవేంద్ర ఫడ్నవీస్ నోటిలో వేసేవాడినని శివసేన ఎమ్మెల్యే సంజయ్ గైక్వాడ్ వ్యాఖ్యానించారు. మహారాష్ట్రలో కరోనా వైరస్ విజృంభణ విపరీతంగా ఉన్న నేపథ్యంలో ఆ రాష్ట్ర సంకీర్ణ ప్రభుత్వంపై ఇతర పార్టీలు విమర్శలు గుప్పిస్తున్నాయి.
సీఎం ఉద్ధవ్ థాకరే ప్రభుత్వం కరోనా వైరస్ను కట్టడి చేయడంలో విఫలమైందని ఫడ్నవీస్ విమర్శించారు. ఈ నేపథ్యంలోనే ఆయన వ్యాఖ్యలను తిప్పికొట్టే క్రమంలో శివసేన నేత సంజయ్ గైక్వాడ్ ఈ విధంగా వ్యాఖ్యానించారు. వైరస్ను కట్టడి చేయకుండా ప్రతిపక్షాలను విమర్శించడంలో శివసేన నేతలు బిజీగా అయిపోయారంటూ ఇందుకు సంబంధించిన వీడియోను పలువురు పోస్ట్ చేస్తున్నారు.
- Advertisement -