టాలీవుడ్ టాప్ హీరోలతో పోటీ పడుతూ మార్కెట్‌ రేటును అంతకంతకూ పెంచుకుంటున్నాడు యంగ్ హీరో శర్వానంద్. ప్రస్తుతం ఉన్న యంగ్ హీరోల్లో శర్వాకు ఉన్న క్రేజే వేరు. కథల ఎంపికలో జాగ్రత్త…వైవిధ్యానికి పెద్దపీట వేసే ఈ హీరో టాలీవుడ్‌లో నిర్మాతల పాలిట కల్పవృక్షంలా మారాడు. ప్రస్తుతం అందాల రాక్షసి,కృష్ణగాడి వీర ప్రేమకథ,లై సినిమాలతో ఆకట్టుకున్న హను రాఘవపూడితో సినిమా చేస్తున్నాడు.
శర్వానంద్ బర్త్ డే సందర్భంగా సినిమా టైటిల్‌ని రివీల్ చేశారు. రొమాంటిక్ ప్రేమకథగా తెరకెక్కుతున్న ఈ సినిమాకు ‘పడి పడే లేచే మనసు’ అనే టైటిల్‌ను ఖరారు చేశారు. శర్వా సరసన ఫిదా ఫేమ్ సాయి పల్లవి హీరోయిన్‌గా నటిస్తుండగా ఎక్కువ శాతం షూటింగ్ నేపాల్ లో జరుగుతోంది.
శర్వా కూల్‌గా కూర్చొని ఏదో డ్రింక్ తాగుతున్న పోస్టర్‌ను ఫస్ట్‌లుక్‌గా వదిలింది చిత్రబృందం. శర్వా హెయిర్ స్టైల్ డిఫరెంట్‌గా ఉంది. కాస్ట్యూమ్స్ కాన్‌టెంపరరీగా కనిపిస్తున్నాయి. ఓవరాల్‌గా చెప్పాలంటే ఫస్ట్‌లుక్‌.. యంగ్ ఆడియన్స్‌కు బాగా కనెక్ట్ అవుతుంది. ఈ చిత్రానికి విశాల్‌ సంగీతం అందిస్తుండగా సుధాకర్‌ చెరుకూరి, ప్రసాద్‌ చుక్కపల్లిలు నిర్మిస్తున్నారు.
