నారా రోహిత్‌, సుధీర్‌బాబు, సందీప్ కిష‌న్‌, ఆది హీరోలుగా నటిస్తున్న మ‌ల్టీస్టార‌ర్ చిత్రం `శమంతకమణి`. భవ్య క్రియేషన్స్ ప‌తాకంపై వి.ఆనంద‌ప్ర‌సాద్ ఈ చిత్రాన్ని నిర్మిస్తున్నారు. శ్రీరామ్ ఆదిత్య ద‌ర్శ‌క‌త్వం వ‌హిస్తున్నారు. యదార్థ ఘటనల్ని ఆధారంగా తెరకెక్కిన ఈ చిత్రం వినోదభరితంగా సాగుతూనే ఆద్యంతం థ్రిల్‌కి గురిచేస్తుంది. నలుగురు యువకుల జీవితంలోని అనూహ్య సంఘటనలకు దృశ్యరూపంలా వుంటుందని చిత్రయూనిట్ చెబుతోంది. ఇప్పటివరకు నలుగురు హీరోల లుక్‌లను వేరువేరుగా చూపించిన చిత్రయూనిట్.. తాజా పోస్టర్లో నలుగురు కనిపించారు. అంతేకాదు టీజర్ కాంటెస్ట్‌ కూడా ప్రారంభించారు. ఈ సినిమా టీజర్ ఎప్పుడు రిలీజవుతుందో గెస్ చేస్తే ఈ సినిమాలో నటిస్తున్న నలుగురు హీరోల చేతుల మీదుగా నాలుగు ఐఫోన్లు గెలిచే అవకాశం కల్పిస్తున్నారు.
టీజర్ రిలీజ్ డేట్ విషయంలో ఆసక్తికరమైన క్లూస్ కూడా ఇచ్చారు. కింద నంబర్లలో సమాధానాలు ఇవ్వాల్సిన ఆరు ప్రశ్నలిచ్చి.. వాటికి సమాధానాలు చెబితే అదే టీజర్ రిలీజ్ డేట్ అవుతుందని చెప్పారు. శమంతమణి కోసం కృష్ణుడు ఎన్ని యుద్ధాలు చేశాడు.. ఇప్పటిదాకా ‘శమంతకమణి’కి సంబందించి ఎన్ని పోస్టర్లు రిలీజ్ చేశాం.. సందీప్-ఆది కలిసి ఇంతకుముందు ఎన్ని సినిమాల్లో నటించారు.. మే 27న ఎన్ని గంటలకు ‘శమంతమకణి’ మోషన్ పోస్టర్ లాంచ్ అయింది.. మోషన్ పోస్టర్లో వినిపించిన డైలాగుల్లో సుధీర్ బాబుది ఎన్నో స్థానం.. భవ్య క్రియేషన్స్ సంస్థకు ‘శమంతమణి’ ఎన్నో సినిమా.. ఇవీ ఆ ఆరు ప్రశ్నలు. క్రియోటివ్ కాంటెస్ట్‌తో ఆసక్తిని కలిగిస్తున్న శమంతకమణి పోస్టర్ చూస్తుంటే ఈ సినిమా మాంచి కామెడీ యాక్షన్ థ్రిల్లర్ అయి ఉంటుందనిపిస్తోంది..
