బుల్లితెర కామెడీ షో ద్వారా తెలుగు ప్రేక్ష‌కుల‌కు ప‌రిచ‌య‌మ‌య్యాడు శ‌క‌ల‌క శంక‌ర్. త‌న‌దైన శైలిలో కామెడీ చేస్తూ పేరు ప్ర‌ఖ్యాత‌లు సంపాదించుకోన్నాడు. ప్ర‌స్తుతం శంక‌ర్ జ‌బ‌ర్ద‌స్త్ షో నుండి బ‌య‌ట‌కు వ‌చ్చేశాడు. ఆ షోనుండి శంక‌ర్ బ‌య‌ట‌కు రావాడానికి కార‌ణం పలు సినిమాల్లో ఆఫ‌ర్లు వ‌చ్చాయ‌ని ప‌లువురు చెప్పిన విష‌యం తెలిసిందే. మొద‌ట్లో ఒక‌టి రెండు సినిమాల్లో క‌నిపించిన శంక‌ర్ ఆ త‌ర్వాత అత‌నికి అవ‌కాశాలు రాలేదు. దింతో ఏం చేయాలో అర్ధం కానీ ప‌రిస్ధితుల్లో ఉన్నాడు శంక‌ర్.
సినిమా అవ‌కాశాలు ఎక్కువ‌గా రాక‌పోవ‌డంతో తానే హీరోగా ఓ సినిమాను తీశాడు శంక‌ర్. శంభో శంక‌ర అనే సినిమాలో హీరోగా న‌టించాడు. ఈమూవీకి డైరెక్ట‌ర్ గా అత‌ని మిత్రుడు శ్రీధ‌ర్ ద‌ర్శ‌క‌త్వం వ‌హించాడు. ఈసినిమాలో శంక‌ర్ పవన్ క‌ళ్యాణ్ అభిమానిగా క‌నిపించ‌నున్నాడ‌ని తెలుస్తోంది. ఇటివ‌లే విడుద‌లైన ఈ ట్రైల‌ర్ కు ప్రేక్ష‌కుల నుంచి మంచి స్పంద‌న వ‌స్తోంది. ఈనెల 29న చిత్రాన్ని విడుద‌ల చేయ‌నున్నారు చిత్రబృందం.
ఇక ఈమూవీ ప్ర‌మోష‌న్స్ లో భాగంగా ఆస‌క్తిక‌ర వ్యాఖ్య‌లు చేశారు. త‌న‌కు సినిమాల్లో అవ‌కాశాలు లేన‌ప్పుడు డైరెక్ట‌ర్ త్రివిక్ర‌మ్ ద‌గ్గ‌రికెళ్లి నేను హీరోగా సినిమా చేస్తోన్నాను మీరు నిర్మాత‌గా వ్య‌వ‌హరించాలని చెప్పాన‌న్నారు. త్రివిక్ర‌మ్ త‌న త‌రువాతి సినిమా పవన్ క‌ళ్యాణ్ అజ్ఞాత‌వాసి సినిమాలో ఓ క్యారెక్టర్ ఇస్తా అన్నార‌ని చెప్పారు. ఆ సినిమా షూటింగ్ అయిపోయినా త‌న‌కు ఫోన్ రాలేద‌ని చెప్పారు. ఆత‌ర్వాత దిల్ రాజు వ‌ద్ద‌కు వెళ్లితే ఇప్పుడు కుద‌ర‌దు త‌ర్వాత చూద్దామ‌న్నారు. అలాగే చివ‌ర‌కు ర‌వితేజ వ‌ద్ద‌కు వెళ్లితే అత‌ను కూడా ఒక సంవ‌త్స‌రం త‌ర్వాత చేద్దామ‌ని చెప్పార‌న్నారు. ఈసంద‌ర్బంగా శంక‌ర్ త‌న లైఫ్ లో జ‌రిగిన పలు సన్నివేశాల‌ను గుర్తు చేసుకున్నారు.
