యాభై సంవ‌త్స‌రాలుగా 600ల సినిమాల‌కు ఫైనాన్స్ అందించి ప్ర‌స్తుతం డిస్ట్రిబ్యూష‌న్‌, ఎగ్జిబిష‌న్ రంగాల‌లో అగ్ర‌గామి సంస్థ‌గా ఎదిగిన ఏషియ‌న్ గ్రూప్ ఇప్పుడు సినిమా నిర్మాణ రంగంలో అడుగుపెడుతోంది. ప్రెస్టీజియ‌స్ ద‌ర్శ‌కుడు శేఖర్ కమ్ముల ద‌ర్శ‌క‌త్వంలోరూపొందే ఈ ల‌వ్ స్టోరికి సంబంధించిన ప్రీ ప్రొడ‌క్ష‌న్ కార్య‌క్ర‌మాలు పూర్తి అయ్యాయి.
మ‌ల్టీప్లెక్స్ రంగంలో ఒక రివ‌ల్యూష‌న్‌ సృష్టించిన ఏషియ‌న్ గ్రూప్ తెలుగు సినిమా ప‌రిశ్ర‌మ‌లో ప్ర‌ధాన భాగంగా ఎదిగింది. సినిమాను ప్రేక్షకులకు చేరువ చేసే డిస్ట్రిబ్యూష‌న్‌, ఎగ్జిబిష‌న్ రంగాల‌లో అగ్ర‌గామిగా ఎదిగిన ఏషియ‌న్ గ్రూప్ ఇప్పుడు నిర్మాణ రంగంలో ఒక సుధీర్గ ప్ర‌యాణాన్ని మొద‌లు పెట్టింది. ఆ ప్ర‌యాణంలో తొలి అడుగు శేఖర్ కమ్ములతో క‌ల‌సి వేస్తుంది. నిర్మాతలుగా నారాయణ దాస్ నారంగ్, పి. రామ్మోహన్ రావు వ్యవహారించ నున్నారు.
బ్లాక్ బ‌స్ట‌ర్ మూవీ ఫిదా త‌ర్వాత శేఖర్ క‌మ్మ‌ల చేయ‌బోయే ప్రాజెక్ట్ మీద ఇండ్ర‌స్టీలోనూ, ప్రేక్ష‌కులోనూ ఆస‌క్తి నెల‌కొంది. కంటెంట్‌ని త‌ప్ప క్రేజ్‌ని న‌మ్ముకొని శేఖర్ కమ్ముల నుండి రాబోతున్న ఈ ల‌వ్ స్టోరీకి సంబంధించిన మిగ‌తా వివ‌రాలు త్వ‌ర‌లోనే ప్ర‌క‌టించ‌నుంది నిర్మాణ సంస్థ. ఎమిగోస్‌ క్రియేషన్స్‌ స‌మ‌ర్ప‌ణ‌లో నిర్మించ‌బోయే ఈ ప్రేమ క‌థ‌కు నిర్మాత‌లు; నారాయణ దాస్ నారంగ్, పి. రామ్మోహన్(ఎఫ్‌డీసీ చైర్మన్‌). కో ప్రొడ్యూస‌ర్; విజ‌య్ భాస్క‌ర్‌.
