ఐసీసీ పురుషుల టీ20 వరల్డ్ కప్ 2026లో మైదానంలోనే కాకుండా మైదానం బయట కూడా ఆసక్తికర ఘటనలు చోటుచేసుకున్నాయి. పాకిస్థాన్ స్పిన్నర్ ఉస్మాన్ తారిక్ తన ప్రత్యేకమైన ‘స్టాప్-అండ్-పాజ్’ బౌలింగ్ యాక్షన్తో చర్చనీయాంశంగా మారాడు. బంతి వదిలే ముందు క్షణం ఆగే అతని శైలి అభిమానులు, ప్రత్యర్థి జట్ల దృష్టిని ఆకర్షించింది. క్రికెట్ అధికారులు ఈ యాక్షన్ను అనుమతించినప్పటికీ, అది సోషల్ మీడియాలో పెద్ద చర్చకు దారితీసింది.
ఈ నేపథ్యంలో ఈడెన్ గార్డెన్స్లో జరిగిన నెట్ ప్రాక్టీస్ సమయంలో స్కాట్లాండ్కు చెందిన ఓ ఆటగాడు తారిక్ బౌలింగ్ శైలిని సరదాగా అనుకరించాడు. ఆ క్షణం సహచర ఆటగాళ్లు నవ్వులు పూయించగా, వీడియో వైరల్ అయింది.
ఇక ఇండియా-పాక్ మ్యాచ్ అనంతరం మరో వివాదం తలెత్తింది. 2025 ఆసియా కప్ నుంచి భారత జట్టు అనుసరిస్తున్న “నో-హ్యాండ్షేక్” విధానం ఈ మ్యాచ్లోనూ కొనసాగింది. టాస్ సమయంలో భారత కెప్టెన్ సూర్యకుమార్ యాదవ్, పాకిస్థాన్ కెప్టెన్ సల్మాన్ అలీ ఆఘా పరస్పరం హ్యాండ్షేక్ చేయలేదు.
మ్యాచ్ ముగిసిన తర్వాత కూడా భారత ఆటగాళ్లు నేరుగా డ్రెస్సింగ్ రూమ్కి వెళ్లిపోయారు. షాహీన్ షా అఫ్రిది, ఉస్మాన్ తారిక్ వంటి పాకిస్థాన్ ఆటగాళ్లు క్రీడాస్ఫూర్తి సూచికగా హ్యాండ్షేక్ కోసం ఎదురుచూస్తూ కనిపించారు. ఈ దృశ్యాలు సోషల్ మీడియాలో చర్చకు దారితీశాయి.
Scotland bowler mocking chuker Usman Tariq pic.twitter.com/E0EoVNbcgL
— Cricket Central (@CricketCentrl) February 16, 2026
Also Read:కాంగ్రెస్లో కొనసాగడంపై ఆలోచిస్తున్నా!