అంతరిక్ష్యంలో భారత్ మరో ప్రయోగానికి సిద్దమవుతోంది. ప్రపంచంలోనే అతి చిన్న ఉపగ్రహం ‘జైహింద్‌`1ఎస్‌’ ను స్వదేశీ పరిజ్ఞానంతో భారత్ విద్యార్థులు రూపొందించారు. ఈ బుల్లి శాటిలైట్‌ బరువు కేవలం 33.39 గ్రాములు. నేడు దీన్ని నింగిలోకి పంపనుంది నాసా. అమెరికా అంతరిక్ష పరిశోధనా సంస్థ నాసా కొలంబియా సైంటిఫిక్‌ బెలూన్‌ ఫెసిలిటీ నుంచి బెలూన్‌ సాయంతో దీన్ని శుక్రవారం కక్ష్యలోకి చేరుస్తోంది.
తమిళనాడు రాజధాని చెన్నై శివార్లలోని హిందుస్థాన్‌ ఇనిస్టిట్యూట్‌ ఆఫ్‌ టెక్నాలజీ అండ్‌ సైన్స్‌ ఇంజనీరింగ్‌ మొదటి సంవత్సరం విద్యార్థులు కె.జె.హరికృష్ణన్‌, పి.అమర్‌నాథ్‌, జి.సుధీ, టి.గిరిప్రసాద్‌లు ఈ ఉపగ్రహాన్ని అభివృద్ధి చేశారు. ‘అంతరిక్షంలో సంచరిస్తున్న భిన్న పదార్థాలు, గురుత్వాకర్షణ శక్తి తక్కువ ఉన్నప్పుడు వాటి ప్రవర్తన అర్థం చేసుకునేందుకు ఈ ఉపగ్రహం ఉపయోగపడుతుంది’ అని శాటిలైట్‌ రూపొందించిన విద్యార్థుల గైడ్‌ జి.దినేష్‌ కుమార్‌ తెలిపారు.
