సూపర్ స్టార్ మహేష్ బాబు, కీర్తి సురేష్ జంటగా, పరశురామ్ దర్శకత్వంలో రూపొందుతోన్న తాజా చిత్రం ‘సర్కారు వారి పాట’.ఈ మూవీ ఎప్పుడెప్పుడు వ‌స్తుందా అని మహేష్ అభిమానులు ఎంత‌గానో ఎదురు చూస్తున్నారు. ఇటీవ‌లే షూటింగ్ పూర్తి చేసుకున్న ఈ చిత్రాన్ని మే 12న విడుద‌ల కానుంది. ఈనేపథ్యంలో ఈ చిత్రం నుండి తాజా అప్‌డేట్‌ వచ్చింది. ఈ చిత్రంలోని టైటిల్ సాంగ్‌ను మేక‌ర్స్ విడుద‌ల చేశారు.
ఈ పాటలో హీరో పాత్ర తాలూకా స్వభావాన్ని తెలుపుతూ..‘సర్కారు వారి పాట..షురూ షురూ అన్నాడురా అల్లూరి వారి బేటా..వెపన్స్ లేని వేట..రివర్సు లేని బాటా’..అనే లైన్స్‌తో అనంత శ్రీరామ్ రాసిన లిరిక్స్ ఆకట్టుకుంటున్నాయి. ఇక థమన్ సాంగ్ కంపోజిషన్ మరోసారి అదిరిపోయింది.
ఇప్ప‌టికే స‌ర్కారువారి పాట చిత్రం నుంచి విడుద‌లైన ‘కళావ‌తి’, ‘పెన్నీ’ పాట‌ల‌కు ప్రేక్ష‌కుల నుంచి విశేష స్పంద‌న వచ్చింది. తాజాగా విడుద‌లైన ఈ పాట కూడా ప్రేక్ష‌కుల‌ను అల‌రిస్తుంది. ఈ చిత్రాన్ని మైత్రీ మూవీ మేక‌ర్స్, 14 రీల్స్ సంస్థ‌ల‌తో క‌లిసి మహేష్ బాబు స్వీయ నిర్మాణంలో తెర‌కెక్కిస్తున్నాడు.
