‘సర్కారువారి పాట’ నుండి మహేష్ మాస్ లుక్..

సూపర్‌ స్టార్‌ మహేష్‌ బాబు ప్రస్తుతం పరశురాం డైరెక్షన్‌లో తెరకెక్కుతున్న సర్కారువారి పాట చిత్రంలో నటిస్తున్నాడు. ఈ మూవీలో కీర్తి సురేష్ మహేష్‌కు జోడీగా నటిస్తోంది. మైత్రి మూవీ మేకర్స్, 14 రీల్స్ ప్లస్, జీఎంబి ఎంటర్ టైన్మెంట్ సంయుక్తంగా నిర్మిస్తున్న ఈ చిత్రం మే 12న ప్రేక్షకుల ముందుకు రానుంది. ఈ నేపథ్యంలో మహా శివరాత్రి పర్వదినం సందర్భంగా తాజాగా మహేష్‌ అభిమానులకు అదిరిపోయే కానుకను అదించింది చిత్ర యూనిట్‌.

ఈ చిత్రం నుంచి కొత్త పోస్టర్‌ని విడుదల చేసింది. ఈ పోస్టర్‌లో మహేష్ బాబు రౌడీలను కొడుతుంటే.. వాళ్లు గాల్లో ఎగిరిపడుతున్నారు. ఈ పోస్టర్ చూసి పండగ చేసుకుంటున్నారు ఫ్యాన్స్. సినిమాలో యాక్షన్‌ డోస్‌ ఎక్కువగానే ఉందని పోస్టర్‌ చూస్తుంటే అర్థమవుతుంది.