సూప‌ర్‌స్టార్ మహేశ్ బాబు లేటెస్ట్ మూవీ ‘స‌ర్కారువారి పాట’.చిత్రీకరణ పరంగా ఈ సినిమా ముగింపు దశకి చేరుకుంది. మే 12వ తేదీన ఈ సినిమాను ప్రపంచవ్యాప్తంగా విడుదల చేయనున్నారు. ఈ నేపథ్యంలో ఈ సినిమా నుంచి ఫస్టు లిరికల్ సాంగ్ ప్రోమోను రిలీజ్ చేశారు. “వందో .. ఒక వెయ్యో .. ఒక లక్షో మెరుపులు మీదికి దూకినాయా.. ఏందే ఈ మాయ” అంటూ ఈ పాట మొదలవుతోంది. కీర్తి సురేశ్‌ను ఫాలో అవుతూ మహేశ్ బాబు పాడే పాట ఇది .. ఫారిన్‌లో చిత్రీకరించారు. ఈ పాటను సిద్ శ్రీరామ్ ఆలపించాడు. పూర్తి పాటను ఈ నెల 14వ తేదీన రిలీజ్ చేయనున్నట్టు ప్రకటించారు.
స‌ర్కారువారి పాటను ప‌ర్‌ఫెక్ట్ క‌మ‌ర్షియ‌ల్ ఎంట‌ర్‌టైన‌ర్‌గా మైత్రీ మూవీ మేక‌ర్స్, జీఎంబీ ఎంట‌ర్‌టైన్మెంట్‌, 14 రీల్స్ ప్ల‌స్ బ్యాన‌ర్స్‌పై న‌వీన్ ఎర్నేని, వై.ర‌వి శంక‌ర్‌, రామ్ ఆచంట, గోపీ ఆచంట నిర్మిస్తున్నారు. మ్యూజిక్ సెన్సేషన్ ఎస్‌.ఎస్‌.త‌మ‌న్ సంగీతం అందిస్తోన్న ఈ చిత్రానికి ఆర్‌.మ‌ది సినిమాటోగ్రాఫ‌ర్‌. మార్తాండ్ కె.వెంక‌టేశ్ ఎడిట‌ర్‌, ఎ.ఎస్‌.ప్ర‌కాశ్ ఆర్ట్ డైరెక్ట‌ర్‌.
