F2తో బ్లాక్ బస్టర్ హిట్ అందుకున్న దర్శకుడు అనిల్ రావిపూడి మరో హిట్ కొట్టాలని పక్కాగా స్క్రిప్ట్‌ను తయారు చేసుకుని తెరకెక్కిస్తున్న చిత్రం స‌రిలేరు నీకెవ్వ‌రు. ఈ మూవీ సూపర్ స్టార్ మహేష్ బాబు,ర‌ష్మిక నటిస్తున్నారు. విజ‌యశాంతి ముఖ్య పాత్ర‌లో క‌నిపించ‌నుంది. దేవి శ్రీ ప్రసాద్ సంగీతం అందిస్తున్నాడు. చిత్రాన్ని దిల్ రాజు, అనిల్ సుంకర, మహేష్ సంయుక్తంగా నిర్మిస్తున్నారు. సంక్రాంతి కానుక‌గా జ‌న‌వ‌రి 12న ఈ చిత్రం విడుద‌ల కానుంది.
ఇటీవలే హైదరబాద్‌లో వేసిన కొండా రెడ్డి బురుజు సెట్‌లో షూటింగ్ జరుపుకున్న టీమ్… ప్రస్తుతం కొత్త షెడ్యూల్ కోసం కేరళకు బయలుదేరి వెళ్లింది. కాగా ఈ షెడ్యూల్ సినిమాలో చాలా కీలకమైన షెడ్యూల్ అని, ఇందులో ముఖ్యమైన సన్నివేశాలను చిత్రీకరిస్తారని తెలుస్తోంది. దీపావ‌ళి సంద‌ర్భంగా విడుద‌లైన స‌రిలేరు నీకెవ్వ‌రు పోస్టర్‌ స‌రికొత్త రికార్డ్ సృష్టించిన సంగ‌తి తెలిసిందే. చిత్ర పోస్ట‌ర్‌కి ఎక్కువ లైక్స్ రాగా, ఇదే హ‌య్యెస్ట్ అని అంటున్నారు.
#SarileruNeekevvaru team en route Kerala !!! @urstrulyMahesh @vijayashanthi_m @iamRashmika @RathnaveluDop @ThisIsDSP @AKentsOfficial @SVC_official @GMBents pic.twitter.com/Huasft9ovJ
— AK Entertainments (@AKentsOfficial) November 3, 2019
