హీరోకి ఉండాల్సిన ఒక్క లక్షణమూ లేదు, ఒడ్డూ, పొడుగూ ఉండడు, అందగాడూ కాదూ, సిక్స్ ప్యాక్‌ బాడీ అయినా లేదు, డాన్సులు ఇరగాదీయనూ లేదు. కానీ తనకంటూ ఒక ప్రత్యేకమైన ఫాలోయింగ్, ‘హృదయ కాలేయం’ అనే సినిమాతో టాలీవుడ్‌ ఇండస్ట్రీలో స్టార్ కమెడియన్‌గా గుర్తింపు తెచ్చుకున్న యాక్టర్‌ సంపూర్ణేష్ బాబు. వెగటు పుట్టించే కామెడితో ప్రేక్షకులను బోరు కొట్టించనప్పటికీ…తన మ్యానరిజంతో మాత్రం ప్రేక్షకులను బాగా ఆకట్టుకోగలిగాడు.
తన మొదటి సినిమా తర్వాత మంచు వారి బ్యానర్‌లో సింగం 123 పవర్‌పుల్‌ పోలీసు ఆఫీసర్‌గా పేరడి చేసి అందరిని అలారించాడు. అంతే కాకుండా కొన్ని సినిమాలలో అతిధి పాత్రలో కూడా దర్శనమిస్తున్నాడు సంపూర్ణేష్ బాబు. కరెంటు తీగ సినిమాలో ఏకంగా సన్నీలియోన్‌కి భర్తగా కనిపించాడు.
ఇప్పుడు భవానీ మస్తాన్‌ దర్శకత్వంలో హాట్‌ బ్యూటీ పూనమ్‌ పాండే ఓ చిత్రంలో నటిస్తుంది. ఫకృద్దీన్ ఖాన్, విజయ్‌భాస్కర్ రెడ్డి సంయుక్తంగా ఈ చిత్రాన్ని నిర్మిస్తోండగా ఇందులో బర్నింగ్ స్టార్ సంపూర్ణేష్ ముఖ్య పాత్ర పోషిస్తున్నాడు. ప్రేమ కథా చిత్రంగా రూపొందుతున్న ఈ మూవీలో సంపూ క్యారెక్టర్ చాలా ఇంట్రెస్టింగ్ గా ఉంటుందట. ముంబైలో సెకండ్ షెడ్యూల్ జరనుండగా శరవేగంగా ఈ చిత్ర షూటింగ్ పూర్తి చేసి త్వరలోనే మూవీని విడుదల చేయాలని ఈ చిత్ర యూనిట్ భావిస్తోంది. ఈ మూవీని తెలుగు, హిందీ భాష‌లలో నిర్మిస్తున్నారు.
మరోవైపు సంపూర్ణేష్ బాబు హీరోగా నటించిన కొబ్బరి మట్ట టీజర్‌ ఇప్పటికే ప్రేక్షకులను గిలిగింతలు పెట్టింది. మెగాస్టార్‌ సైతం కొబ్బరి మట్ట టీజర్‌కి ఇంప్రెస్‌ అయ్యాడటా. కొబ్బరి మట్ట టీజర్‌ ఇప్పటికే యూట్యూబ్‌లో రికార్డుని క్రియేట్‌ చేసింది.ఈ సినిమాలో సంపూర్ణేష్ బాబు పెదరాయుడు, పాపారాయుడు, ఆండ్రాయుడు అన్న మూడు పాత్రలు హైలెట్‌గా ఉండనున్నాయని ఈ చిత్రం యూనిట్ తెలిపింది. హృదయ కాలేయ సినిమాకు క్లైమాక్స్‌ హైలేట్‌. ఇప్పుడు కొబ్బరి మట్టకు కూడాక్లైమాక్స్‌ కీలకం కానుందటా.
