పిల్లల విషయంలో క్లారిటీ ఇచ్చిన -సామ్‌

368
Samantha wants a baby
- Advertisement -

అక్కినేని వారింటి కోడ‌లైనా స‌మంత జోరు ఏమాత్రం త‌గ్గ‌డం లేదు. వరుస సినిమాలతో దూసుకుపోతుంది. సాధ‌ర‌ణంగా పెళ్లైన వారిని క‌మ‌ర్షియ‌ల్ సినిమాల్లో హీరోయిన్లుగా తీసుకోవ‌డానికి భ‌య‌ప‌డ‌తారు. కానీ, స‌మంత విష‌యంలో మాత్రం అలా జ‌ర‌గ‌డం లేదు. ఇటీవ‌ల స‌మంత హీరోయిన్‌గా న‌టించిన `రంగ‌స్థ‌లం` తెలుగులో `బాహుబ‌లి` త‌ర్వాత అతి పెద్ద విజ‌యం సాధించింది. ఈ సినిమాలో స‌మంత న‌ట‌న‌కు ప్ర‌శంస‌లు ద‌క్కాయి.

Samantha wants a baby?

అయితే హీరోయిన్‌ సమంత తల్లి కాబోతోందంటూ ఇటీవల బాగా ప్రచారం జరిగింది. తాజాగా ఆమె ఓ ఇంటర్వ్యూలో ఈ వార్తలపై స్పందిస్తూ.. తాను, తన భర్త నాగ చైతన్య పిల్లల గురించి ఇప్పుడే ఆలోచించట్లేదని, పిల్లల్ని కనేందుకు ఓ టైమ్‌ అనుకున్నామని సామ్‌ తెలిపింది. ఆ టైమ్‌ వచ్చే వరకు తమ కెరీర్‌ గురించే తప్ప వేరే ఆలోచనలు చేయకూడదనుకున్నామని చెప్పింది. కాగా, ఒక్కసారి తాను తల్లిగా మారితే, ఇక తనకు పిల్లలే ప్రపంచమని తెలిపింది.

తను ఓ చిన్నారికి జన్మనిచ్చిన తర్వాత ఆ బిడ్డకే అంకితం అయిపోవాలని ఫిక్స్ అయిందట సామ్. చిన్నతనంలో తానేమీ అంత గారాబంగా పెరగలేదని.. కానీ తన బిడ్డను మాత్రం అపురూపంగా చూసుకోవాలని కోరుకుంటున్నానని చెప్పిన సమంత.. తాను అమ్మగా మారిన తర్వాత కొన్నేళ్ల పాటు ఆ బిడ్డను వదిలి ఎక్కడికీ వెళ్లే సమస్యే లేదని అంటోంది సామ్‌. ఇటీవలే ‘రంగస్థలం’ సినిమాతో మరో హిట్‌ను తన ఖాతాలో వేసుకున్న సమంత ప్రస్తుతం ‘మహానటి’లో నటిస్తోన్న విషయం తెలిసిందే.

- Advertisement -