రంగస్థలం సినిమా తరువాత అక్కినేని వారి కోడలు సమంత ప్రధాన పాత్రలో తెరకెక్కుతున్న చిత్రం ‘యూటర్న్’. థ్రిలర్ నేపథ్యంలో తెరకెక్కుతున్న ఈ సినిమాలో సమంత జర్నలిస్ట్ పాత్రలో కనిపించనున్నారు. ప్రస్తుతం చిత్రీకరణ పూర్తి చేసుకుని నిర్మాణాంతర కార్యక్రమాలు జరుపుకుంటుంది. అనంతరం పాటల చిత్రీకరణకు చిత్ర యూనిట్ ప్లాన్ చేస్తోందట.
శ్రీనివాస సిల్వర్ స్క్రీన్ బ్యానర్ పై శ్రీనివాస్ చిట్టూరి నిర్మిస్తుండగా.. పవన్ కుమార్ దర్శకత్వం వహిస్తున్నారు. ఈ సినిమాలో భూమిక, ఆది పినిశెట్టి, రాహుల్ రవీంద్రన్ ప్రధాన పాత్రలు పోషిస్తున్నారు. త్వరలోనే ఈ సినిమా ఫస్ట్ లుక్ ను విడుదల చేయడానికి చిత్ర బృందం సిద్దం అవుతోందట.
రంగస్థలంలో రామలక్ష్మిగా మంచి మార్కులు కొట్టేసిన సమంత ఈ సినిమాతో ప్రేక్షకులను మెప్పిస్తుందో లేదో చూడాలి. యూటర్న్ తర్వాత సమంతం, నయనతార మాదిరిగా లేడిఓరియెంటల్ చిత్రాలలో నటించాలనే ఆలోచనలో ఉన్నారట. మరి సమంతకు లేడి ఓరియెంటల్ చిత్రాలు కలిసొస్తాయో లేదా తెలియాలంటే మరికొంత కాలం వేచిచూడాల్సిందే.
