అలనాటి మహానటి సావిత్రి జీవిత కథ ఆధారంగా తీయబోతున్న సినిమాకి సంబంధించిన ప్రీ ప్రొడక్షన్ పనులు వేగవంతం అయ్యాయి. మహానటి సావిత్రి జీవితం ఆధారంగా చిత్రాన్ని తెరకెక్కించడానికి దర్శకుడు నాగ్‌ అశ్విన్‌ సంసిద్ధమౌతున్న సంగతి తెలిసిందే. ఇందులో సమంత, కీర్తి సురేశ్‌ హీరోయిన్లుగా నటిస్తున్నారని పేర్కొన్నారు. అయితే సావిత్రి పాత్రను ఎవరు పోషిస్తున్నారన్న విషయంలో మాత్రం క్లారి ఇవ్వలేదు. మహిళా దినోత్సవం సందర్భంగా ఈ సినిమా పోస్టర్‌ను సమంత ట్విటర్‌లో పోస్ట్‌ చేశారు. ‘మాయాబజార్‌’ సినిమాలో సావిత్రి స్టిల్‌కు ఓ వైపు సమంత, మరోవైపు కీర్తి సురేశ్‌ ఉన్న ఈ పోస్టర్‌పై ‘తరాలను నిర్మించే స్త్రీజాతి కోసం తరతరాలు గర్వించే మహానటి సావిత్రి కథ’ అని పేర్కొంటూ ‘సావిత్రి’ సినిమా అనౌన్స్‌మెంట్‌ జరిగింది.
‘అంతర్జాతీయ మహిళా దినోత్సవం సందర్భంగా ఈ మూవీకి సంబంధించిన ఫస్ట్ లుక్ పోస్టర్‌ రిలీజ్ అయ్యింది. కానీ ఎవరు ఏ పాత్ర చేస్తున్నారన్న క్లారిటీ ఇవ్వలేదు దర్శకుడు. తాజాగా విన్పిస్తున్న సమాచారం ఈ సినిమాలో సావిత్రి ఎవరో తేల్చేసింది. సమంత ఈ చిత్రంలో ఓ జర్నలిస్టు పాత్రలోనూ.. కీర్తి సురేశ్‌ సావిత్రిగానూ కన్పించబోతున్నట్లు సమాచారం. సమంత పాత్రకు ఎంతో ప్రాధాన్యత ఉందని.. ఈ పాత్ర కోణంలోంచే సినిమా కథ మొత్తాన్ని చూపిస్తారని వూహాగానాలు సాగుతున్నాయి. దీంతో సమంత జర్నలిస్టు పాత్ర కోసం ప్రత్యేకంగా శ్రద్ధ తీసుకుంటున్నట్లు గుసగుసలు విన్పిస్తున్నాయి. నాగ్‌ అశ్విన్‌ దర్శకత్వం వహిస్తున్న ఈ చిత్రాన్ని వైజయంతి మూవీస్‌ పతాకంపై సమర్పిస్తున్నారు.
