బాలీవుడ్ హీరో సల్మాన్ ఖాన్‌కు ఓ సెంటిమెంట్ ఉంది. ప్రతి ఈద్ సీజన్లో తన కొత్త సినిమా విడుదల చేస్తుంటాడు. తాజాగా ఆయన నటించిన ‘ట్యూబ్ లైట్’ మూవీ ప్రపంచ వ్యాప్తంగా ఈ రోజు గ్రాండ్‌గా రిలీజైంది. సల్మాన్ ఖాన్‌కు ఇంతకు ముందు ఏక్ థా టైగర్, బజరంగీ భాయిజాన్ లాంటి సూపర్ హిట్లను అందించిన కబీర్ ఖాన్ ఈ చిత్రానికి దర్శకత్వం వహించారు. బాక్సాఫీస్‌ వద్ద వరుస విజయాలతో దూసుకుపోతున్న సల్మాన్ ‘సుల్తాన్‌’ తర్వాత.. ‘ట్యూబ్లైట్’ తెరకెక్కించడంతో ఈ సినిమాను చూసేందుకు ప్రేక్షకులు ఆసక్తిగా ఎదురుచూస్తున్నారు. మొత్తానికి సల్మాన్ నుంచి భారీ హిట్‌ ఖాయమని భావిస్తున్న నేపథ్యంలో విడుదలకు ముందే ఈ చిత్ర యూనిట్‌ షాక్‌ తగిలింది.
ఈ సినిమాకు సంబంధించిన కీలక సీను ఆన్‌లైన్‌లో లీకవ్వడమే కాదు.. అది క్షణాల్లో వైరల్‌గా మారిపోయింది. బాలీవుడ్ బాద్‌షా షారుఖ్‌ ఖాన్ ‘ట్యూబ్లైట్’ సినిమాలో అతిథి పాత్ర పోషిస్తున్నాడు. ఆయన ఇందజాలికుడిగా కనిపించి పిల్లలను అలరించే కీలక సీన్‌ ఆన్‌లైన్‌లో లీక్‌ అయింది. ఇందులో సల్మాన్ ఎలాంటి కల్మషం లేని చిన్నపిల్లల మనస్తత్వంతో, కాస్త మందబుద్ధి ఉన్న యువకుడిగా ప్రవర్తిస్తుంటారు. సల్మాన్ మందబుద్ధిని చూసి అందరూ ట్యూబ్లైట్ అని ఆటపట్టిస్తుంటారు. తమ్ముడిని ప్రాణప్రదంగా ప్రేమిస్తూ అతని కోసం దేనికైనా సిద్ధపడే అన్నగా సల్మాన్ నటించారు.
2015లో వచ్చిన ‘లిటిల్ బాయ్’ అనే ఓ హాలీవుడ్ మూవీ స్ఫూర్తితో ‘ట్యూబ్ లైట్’ చిత్రాన్ని తెరకెక్కించారు. 1962 ఇండో – చైనీస్‌ యుద్ధం నేపథ్యంలో అన్నదమ్ముల అనుబంధం ప్రధానాంశంగా ఈ చిత్రాన్ని రూపొందించారు. సల్మాన్‌కు జోడీగా ప్రముఖ చైనీస్‌ కథానాయిక ఝు ఝు నటించింది. ఈ సినిమాకు నెగెటివ్ రివ్యూ ఇచ్చి సల్మాన్ ఖాన్ ట్యూబ్లైట్ వెలగలేకపోయిందని తెల్చేశాడు బాలీవుడ్ క్రిటిక్ తరుణ్ ఆదర్శ్‌.. మొత్తం మీద ఈ సినిమా అటు అభిమానులను ఇటు విమర్శకులను కూడా మెప్పించలేక‌పోయింది.
