ప్రశాంత్ నీల్ దర్శకత్వంలో పాన్ ఇండియా స్టార్‌ ప్రభాస్ హీరోగా తెరకెక్కుతున్న చిత్రం ‘సలార్’. పాన్ ఇండియా లెవల్‌లో రూపొందుతున్న ఈ సినిమా ఇటు హిందీతో పాటు, తెలుగు, త‌మిళం, మ‌ల‌యాళ, క‌న్న‌డ భాష‌ల్లో విడుదలకానుంది. ఈ సినిమాను భూష‌ణ్ కుమార్ (టీ సిరీస్), ప్ర‌సాద్ సుతార్‌, రాజేశ్ నాయ‌ర్‌లు సంయుక్తంగా నిర్మిస్తున్నారు. ఈ సినిమాలో ప్రభాస్‌కు జోడిగా శృతి హాసన్ నటిస్తున్నారు.
‘కేజీఎఫ్ 2’ సినిమాకి సంగీతాన్ని సమకూర్చిన రవి బస్రూర్, ‘సలార్’కి కూడా బాణీలను అందిస్తున్నాడు. కాగా, ఈ మూవీకి సంబంధించి గత కొంత కాలంగా ఎటువంటి టాక్ వినిపించడం లేదు. ఇందుకు కారణం ప్రభాస్ ‘రాధేశ్యామ్’ పనుల్లో ఉండటం వలన.. ప్రశాంత్ నీల్ ‘కేజీఎఫ్ 2’ ప్రమోషన్స్ లో బిజీ ఉండటం వలన ‘సలార్’ విషయంలో జాప్యం జరుగుతూ వచ్చింది.
అయితే ఇప్పడు వీరిద్దరూ ఫ్రీ కావడంతో ప్రస్తుతం ‘సలార్’ సినిమాపై ఫోకస్ పెట్టినట్లు తెలుస్తోంది. ఈ చిత్ర ష్యూటింగ్ పనులు ముమ్మరం కానున్నాయి. వచ్చే నెలలో టీజర్‌ను రిలీజ్ చేసి, మళ్లీ ఈ సినిమాను గురించి అంతా మాట్లాడుకునేలా చేయాలనే ఆలోచనలో ఉన్నారట మేకర్‌స్‌. త్వరలోనే టీజర్ రిలీజ్ డేట్ ప్రకటిస్తారని సమాచారం.
