పాన్‌ ఇండియా యంగ్‌ రెబల్‌ స్టార్‌ ప్రభాస్‌ అభిమానులందరూ ఎంతగానో ఎదురుచూస్తోన్న రోజు వచ్చేసింది. సలార్ టీమ్‌ నుంచి సరికొత్త ఆప్‌డేట్‌ బయటకు వచ్చింది. వచ్చే ఏడాది సెప్టెంబర్‌ 28న ఈ చిత్రాన్ని ప్రేక్షకుల ముందుకు తీసుకురానున్నట్లు ప్రకటించింది. ఈ మేరకు చిత్ర నిర్మాణ సంస్థ స్పెషల్ పోస్టర్‌ను విడుదల చేసింది. టీమ్‌ ఇచ్చిన అప్‌డేట్‌తో అభిమానులు ఆనందం వ్యక్తం చేస్తున్నారు. ప్రస్తుతం సలార్ ఆగమనం అనే ట్యాగ్‌ సోషల్‌ మీడియాలో హల్‌ చల్‌ చేస్తోంది. అన్న వస్తుండు అంటూ నెట్టింట్ల ఆభిమానులు సందడి చేస్తున్నారు.
రాధేశ్యామ్‌ డిజాస్టర్‌ తర్వాత నటిస్తున్న చిత్రం సలార్. కేజీఎఫ్‌ దర్శకుడు ప్రశాంత్‌ నీల్‌ తెరకెక్కిస్తున్న ఈ చిత్రం భారీ అంచనాల నడమ వచ్చే ఏడాది రీలిజ్‌ సిద్ధం కాబోతుంది. ఇందులో ప్రభాస్‌ కొత్త లుక్‌లో కనిపించనున్నారు. శ్రుతిహాసన్‌ కీలకపాత్ర పోషిస్తున్నారు. హోంబలే ఫిల్మ్స్‌ దీన్ని నిర్మిస్తోంది.
