పవర్ స్టార్ పవన్ కళ్యాణ్, సుప్రీమ్ హీరో సాయిధరమ్ తేజ్ ప్రధాన పాత్రల్లో నటించిన ‘బ్రో’ సినిమా వారం రోజులుగా థియేటర్లలో సందడి చేస్తోంది. ఈ సినిమాకు వారం రోజుల్లో ప్రపంచవ్యాప్తంగా రూ.122.96కోట్లు వచ్చినట్లు సినీవర్గాలు తెలిపాయి. నిన్న సినిమాకు రూ. 4.23 కోట్లు మాత్రమే వచ్చాయట. అయితే, వీకెండ్ కావడంతో కలెక్షన్లు పెరిగే అవకాశం ఉంది. ఇక తెలుగు రాష్ట్రాల్లో ‘బ్రో’కు రూ. 91.13 కోట్లు వచ్చాయి.
దీంతో సుప్రీం హీరో సాయిధరమ్ తేజ్ తన అభిమానులకు థాంక్స్ చెప్తూ ఒక స్పెషల్ నోట్ షేర్ చేశారు. ‘బ్రో’ మూవీ విజయ యాత్రలో భాగంగా అందరినీ కలుసుకోవడం, ప్రేమను పొందడం చాలా బాగుందని తెలిపారు. అయితే చాలా మంది హెల్మెట్ ధరించకుండా బైకుల మీద ఫాలో చేయడం, డ్రైవింగ్ చేస్తూ సెల్ఫీలు తీసుకోవడం, వీడియోలు తీయడంపై ప్రత్యేకంగా ప్రస్తావించారు. ఈ విషయం మాత్రం తనకు భయాన్ని కలిగిస్తోందని అన్నారు.
మొత్తానికి బ్రో సినిమా సూపర్ హిట్ అయ్యింది. ఓవరాల్ గా డైరెక్టర్ సముద్రఖని తెరకెక్కించిన ఈ సినిమాకు మంచి రెస్పాన్స్ వచ్చింది. తాజాగా మేకర్స్ బ్రో సినిమా మేకింగ్ వీడియో రిలీజ్ చేశారు. మెగా అభిమానులకు చిత్రబృందం సర్ ప్రైజ్ ఇస్తూ విడుదల చేసిన ఈ వీడియో ఆకట్టుకుంటుంది. ఇక తమన్ అందించిన మ్యూజిక్ తోపాటు.. బ్యాగ్రౌండ్ మ్యూజిక్ అదిరిపోయింది.
Also Read:అడ్డురసం మొక్కతో.. ఆ రోగాలు మాయం!
