బాహుబ‌లి సినిమా త‌ర్వాత యంగ్ రెబ‌ల్ స్టార్ ప్ర‌భాస్ న‌టిస్తున్న చిత్రం సాహో. ర‌న్ రాజా ర‌న్ చిత్ర ద‌ర్శ‌కుడు సుజీత్ ఈసినిమాకు ద‌ర్శ‌క‌త్వం వ‌హిస్తున్నారు. ప్ర‌స్తుతం ఈమూవీ షూటింగ్ సెకండ్ షెడ్యూల్ దుబాయ్ లో జ‌రుగుతుంది. భారీ బ‌డ్జెట్ తో తెర‌కెక్కుతున్న ఈసినిమాలో ప్ర‌భాస్ స‌ర‌స‌న హీరోయిన్ గా శ్ర‌ద్దా క‌పూర్ న‌టిస్తున్నారు. దాదాపు 40 రోజుల పాటు దుబాయ్ లో కీల‌క సన్నివేశాలను చిత్రిక‌రించిన‌ట్లు తెలుస్తోంది. ఈసినిమాను ప్ర‌భాస్ స్నేహితులు యూవీ క్రియేష‌న్స్ బ్యాన‌ర్ పై తెర‌కెక్కిస్తున్నారు.
బాహుబ‌లి చిత్రం త‌ర్వాత ప్ర‌భాస్ కు దేశ వ్యాప్తంగా గుర్తింపు రావ‌డంతో ఈమూవీ పై పెద్ద ఎత్తున ఆశ‌లు పెట్టుకున్నారు అభిమానులు. ఈసినిమాకు సంబంధించిన మ‌రో వార్త ఫిలింన‌గ‌ర్లో చ‌క్క‌ర్లు కొడుతోంది. ఇటివ‌లే దుబాయ్ లో సెకండ్ షెడ్యూల్ ను పూర్తి చేసుకున్నార‌ని..త్వ‌ర‌లోనే మిగ‌తా షూటింగ్ ను హైద‌రాబాద్ లో తెర‌కెక్కించ‌నున్న‌ట్లు స‌మాచారం. సాహో మూడ‌వ షెడ్యూల్ ను హైద‌రాబాద్ లో చిత్రిక‌రించ‌నున్న‌ట్లు తెలుస్తోంది.
వ‌చ్చే నెల 11వ తేది నుంచి హైద‌రాబాద్ లో భారీ సెట్లో చిత్ర‌క‌రించ‌నున్నారు. ఇక ఇప్ప‌టివ‌ర‌కూ స‌గం షూటింగ్ పూర్తి చేసుకున్న సాహో మూవీ వ‌చ్చే వేసవిలో విడుద‌ల చేసేందుకు స‌న్న‌హాలు చేస్తోన్నారు నిర్మాత‌లు. ఈమూవీ ఫైట్ సిన్ల‌ను హాలీవుడ్ స్టంట్ మాస్ట‌ర్ల‌చే దుబాయ్ లో కీల‌క సన్నివేశాలను తెర‌కెక్కించారు. ప‌లువురు బాలీవుడ్ న‌టి న‌టులు సాహో సినిమాలో న‌టించ‌నున్నారు.
