సుదీర్ఘ బాహుబలి సినిమా తరువాత సుజిత్ డైరెక్షన్ లో సాహో లో ప్రభాస్ నటిస్తున్నాడనే విషయం తెలిసిందే. అయితే బాహుబలి తర్వాత ప్రభాస్ విదేశాల్లోనే ఎక్కువగా గడిపాడు. మరి ఈ సినిమా షూటింగ్ అయితే మొదలైంది కానీ, ప్రభాస్ లుక్‌కు సంబంధించిన ఫోటోలు మినహ సాహోకు సంబంధించిన వార్తలైతే భయటకు రాలేదు.
తాజాగా ఓ ఇంటర్వ్యూలో ప్రభాస్ తన కొత్త సినిమా గురించి మాట్లాడారు. ‘అందరూ అనుకుంటున్నట్లు ‘సాహో’ సైన్స్‌ ఫిక్షన్‌ సినిమా కాదు. ఇది హైటెక్‌గా ఉంటుంది. తెలుగు సినిమాలో ఇంత వరకు లేని విధంగా ఇందులో యాక్షన్‌ సన్నివేశాలు ఉంటాయి. హాలీవుడ్‌ యాక్షన్‌ డైరెక్టర్‌ కెన్నీ గేట్స్‌ పోరాట సన్నివేశాల్ని కంపోజ్‌ చేస్తున్నారు. కచ్చితంగా అభిమానుల్ని ఈ సన్నివేశాలు థ్రిల్‌ చేస్తాయి. యాక్షన్‌ సీన్లు అద్భుతంగా ఉండేలా ‘సాహో’ టీం సినిమాను తీస్తోంది. ఈ సినిమా షూట్‌ను చాలా ఏంజాయ్‌ చేస్తున్నా’ అని ప్రభాస్ తెలిపారు. ఈ సినిమాకు దర్శకుడు.సుజీత్‌.. కాగా యూవీ క్రియేషన్స్‌ సంస్థ నిర్మిస్తోంది.
