RX 100 సినిమా తో తొలి ప్రయత్నంతోనే హిట్ కొట్టి ఇండస్ట్రీ ప్రముఖుల దృష్టిలో పడ్డ మన అజయ్ భూపతి ఏ మాత్రం ఆలస్యం చేయకుండా ఓ ఇంటివాడైపోయాడు. హైదరాబాద్ లోని ఓ ప్రయివేట్ కల్యాణ మండపం లో నిన్న సాయంత్రం పెళ్లి చేసేసుకున్నాడు భూపతి.
వధువు పేరు లక్ష్మి శిరీష . తూర్పు గోదావరి జిల్లా ,ఆత్రేయపురం నుంచి వచ్చిన వీళ్ళిద్దరూ ఎప్పటినుంచో ప్రేమించుకుంటున్నారట. కానీ ఇంట్లో వాళ్ళు వీళ్ళ ప్రేమను అంగీకరించకపోవడంతో వాళ్ళని సంవత్సరాల తరబడి ఒప్పించే ప్రయత్నం లో ఉన్నారు. ఈ మధ్య మన డైరెక్టర్ మొదటి సినిమాతో హిట్ కొట్టడంతో భూపతి సత్తా తెలిసి, వాళ్ళ ప్రేమను అంగీకరించి పెళ్లి నిశ్చయించారు అమ్మాయి కుటుంబ సభ్యులు.
RX 100 సినిమా నిర్మాతలతోనే భూపతికి వేరొక సినిమా క్యూలో ఉంది. మరిన్ని క్రేజీ ఆఫర్లు ఈ యంగ్ డైరెక్టర్ కు ఉన్నాయని సోషల్ మీడియా లో వార్తలు వినిపిస్తున్నాయి. అటు కెరీర్ లో మంచి ఊపందుకుని, ఇటు తన ప్రేమను కూడా గెలుచుకున్న అజయ్ భూపతి కెరీర్ లో ఇంకా మంచి స్థాయి కి చేరుకోవాలని ఆశిద్దాం.
