శ్రీకాంత్ ఓదేలా దర్శకత్వంలో నాని – కీర్తి సురేశ్ ప్రధానపాత్రలో తెరకెక్కిన చిత్రం దసరా. నాని కెరీర్‌లో తొలి పాన్ ఇండియా సినిమా అయిన ఈ చిత్రం బాక్సాఫీస్ వద్ద భారీ వసూళ్లను రాబడుతోంది. విమర్శకుల ప్రశంసలను సైతం అందుకుంది. ఇక వసూళ్ల పరంగా నాని కెరీర్‌లో రికార్డు సృష్టించింది దసరా మూవీ.
నాని పవర్‌ ఫుల్ మాస్ రోల్, పాటలు,కీర్తి సురేశ్ నటన సినిమాకు ప్లస్ కాగా అచ్చ తెలంగాణ యాస కూడా ప్రేక్షకులకు బాగా కనెక్ట్ అయింది. మొదటి రోజే 38 కోట్ల గ్రాస్ కలెక్షన్స్ వసూలు చేసి నాని కెరీర్ లోనే హైయెస్ట్ ఓపెనింగ్స్ సాధించిన సినిమాగా నిలిచింది. రెండు రోజుల్లోనే 50 కోట్లు వసూళ్లు చేయగా వారం రోజుల్లోనే 100 కోట్ల గ్రాస్ కలెక్షన్స్ వసూలు చేసి అదరగొట్టింది.
నాని కెరీర్ లో దసరా రెండో 100 కోట్ల సినిమాగా నిలిచింది. రాజమౌళి దర్శకత్వంలో వచ్చిన ఈగ సినిమా 125 కోట్లు కలెక్ట్ చేసింది. ఇప్పుడు రాజమౌళి బ్రాండ్ లేకుండా నాని ఓ కొత్త డైరెక్టర్ తో 100 కోట్లు కలెక్ట్ చేసి సరికొత్త రికార్డ్ సృష్టించడంతో నాని అభిమానులు ఫుల్ జోష్ లో ఉన్నారు.
ఇవి కూడా చదవండి..
