రాజమౌళి దర్శకత్వంలో ఎన్టీఆర్, రామ్ చరణ్ హీరోలుగా తెరకెక్కుతున్న చిత్రం ‘ఆర్ఆర్ఆర్’. దాదాపు రూ. 400 కోట్ల భారీ బడ్జెట్‌తో తెరకెక్కుతున్న ఈ సినిమాకు రౌద్రం రణం రుధిరం అనే టైటిల్‌ని ఖరారు చేసిన సంగతి తెలిసిందే.
కరోనా కారణంగా రెండు నెలలు సినిమా షూటింగ్‌కి బ్రేక్ పడగా నేటి నుండి షూటింగ్ ప్రారంభంకానుంది. ఇప్పటికే 80 శాతం షూటింగ్ పూర్తికాగా సినిమాలో మిగతా యాక్షన్ పార్ట్‌ను కొద్ది మందితో రామోజీ ఫిల్మ్ సిటీలో వేసిన ప్రత్యేక సెట్‌లో పూర్తి చేయనున్నట్టు సమాచారం. జనవరి 8 2021న సినిమా ప్రేక్షకుల ముందుకురానుంది.
చరిత్రలో ఎన్నడు కలవని ఇద్దరు చారిత్రక యోధులైన ఆంధ్రా ప్రాంతానికి చెందిన అల్లూరి సీతారామరాజు, తెలంగాణకు చెందిన కొమరం భీమ్‌లు ఒకవేళ కలిస్తే ఎలా ఉంటుందో అనే కాల్పనిక కథతో.. రాజమౌళి ఈ సినిమాను తెరకెక్కిస్తుండగా ప్రభుత్వం సూచించిన మార్గదర్శకాల ప్రకారం షూటింగ్ జరగనుంది.
