దర్శకధీరుడు ఎస్‌ ఎస్‌ రాజ‌మౌళి ద‌ర్వ‌క‌త్వంలో రూపుదిద్దుకుంటోన్న చిత్రం ఆర్ఆర్ఆర్. ఎన్టీఆర్, రామ్ చరణ్ ప్ర‌ధాన పాత్ర‌ల‌లో నటిస్తున్న ఈ చిత్రం విజువ‌ల్ వండ‌ర్‌గా తెర‌కెక్కుతోంది. ఈ సినిమా నుంచి ఈరోజు ఆసక్తికర అప్ డేట్ బయటికి వచ్చింది. ఈ సినిమాలో కొమురం భీమ్‌గా ఎన్టీఆర్, అల్లూరి సీతారామరాజుగా రామ్ చరణ్ న‌టిస్తోన్న విష‌యం తెలిసిందే. వారిద్దరు ఒకే బైక్‌పై వెళ్తోన్న ఓ ఫొటోను ఆ సినిమా బృందం విడుద‌ల చేసింది. చిరున‌వ్వులు చిందిస్తూ వారిద్దరు ఉన్న ఈ పోస్టర్ అభిమానుల్లో ఆస‌క్తిరేపుతోంది.
ఆర్ఆర్ఆర్‌కు సంబంధించిన అప్‌డేట్స్ ను ఒక్కొక్క‌టిగా వదులుతూ రాజ‌మౌళి ప్రేక్ష‌కుల్లో అంచ‌నాల‌ను మ‌రింత పెంచుతున్నారు. ఈ సినిమా దాదాపు రూ.400 కోట్ల బడ్జెట్‌తో రూపుదిద్దుకుంటోంది. ఈ మూవీలో ఎన్టీఆర్, రామ్ చరణ్ తో పాటు అలియా భట్, ఒలీవియా మోరిస్, అజయ్ దేవగణ్ నటిస్తున్నారు. ఈ సినిమాకు సంబంధించిన అన్ని ప‌నులు శ‌ర‌వేగంగా జ‌రుగుతున్నాయ‌ని ఆర్ఆర్ఆర్ బృందం తెలిపింది. రెండు పాట‌లు మిన‌హా ఈ సినిమాకు సంబంధించిన షూటింగ్ మొత్తం పూర్త‌యింద‌ని వివ‌రించింది. కీరవాణి సంగీతం సమకూరుస్తున్న ఈ చిత్రానికి సెంథిల్ కుమార్ సినిమాటోగ్రఫీ అందిస్తున్నారు. డీవీవీ ఎంటెర్టైన్మెంట్స్ బ్యానర్ పై దానయ్య ఈ సినిమాని భారీ బడ్జెట్ తో నిర్మిస్తున్నారు.
