ఐపీఎల్-11 సీజన్లో భాగంగా నేడు ఉప్పల్లో సన్రైజర్స్-ముంబై ఇండియన్స్ జట్లు తలపడనున్నాయి. మొదటి మ్యాచ్లో చెన్నైతో ఓడిపోయిన ముంబై, రెండో మ్యాచ్ హైదరాబాద్తో తలపడనుంది. ఈ రోజు మ్యాచ్లో ముంబై స్టార్ ఆల్ రౌండర్ హార్దిక్ పాండ్యా ఆడే విషయంపై అనుమానాలు వ్యక్తమవుతున్నాయి. మొదటి మ్యాచ్లో బ్యాటింగ్ చేస్తూ..పాండ్య గాయపడ్డాడు. ఆఖరి ఓవర్లో బ్రావో వేసిన ఆఖరి బంతికి రెండు పరుగులు తీసేందుకు ప్రయత్నించడంతో అతడి కాలికి గాయమైంది.
సోమవారం రోజున ముంబై కెప్టెన్ రోహిత్ మాట్లాడుతూ.. సన్ రైజర్స్తో మ్యాచ్కు ఇంకా మూడో రోజుల సమయం ఉందని అప్పటిలోగా పాండ్యా కోలుకుంటాడని రోహిత్ వెల్లడించాడు. మళ్లీ రెండు రోజుల తర్వాత పాండ్య కోలుకున్నాడని రోహిత్ తెలియజేశాడు. కానీ నేటి ప్రాక్టీస్ మ్యాచ్లో పాండ్య కనిపించక పోవడంతో.. పాండ్యా ఆడతాడో లేదో అని అభిమానులు అనుమానం వ్యక్తం చేస్తున్నారు. గాయం తీవ్రత తక్కువగా ఉన్నపటికీ అతన్ని ఆడించి రోహిత్ రిస్క్ తీసుకుంటాడో లేదో చూడాలి. అతడు ఆడేది లేనిది తెలియాలంటే మరికొద్ది సేపు ఆగాల్సిందే
