వర్మ ‘భైరవగీత’ వస్తోంది..

వివాదాల ద‌ర్శ‌కుడు రామ్ గోపాల్ వర్మకి కొన్నాళ్ళుగా స‌రైన స‌క్సెస్ రావ‌డం లేదు. తన హోమ్ బేనర్ కంపెనీ ప్రొడక్షన్స్ పై కింగ్ నాగార్జున హీరోగా ఆఫీసర్ చిత్రాన్ని నిర్మించారు. కానీ వర్మకి ఆ సినిమా నిరాశ పరచింది. దీంతో కొన్నాళ్లు మౌనంగా ఉన్న వర్మ తాజాగా ‘భైరవగీత’ సినిమా నిర్మిస్తున్నారు. విలేజ్ బ్యాక్‌డ్రాప్ ప్రేమకథ నేపథ్యంలో వస్తున్న ఈ చిత్రాన్ని సిద్దార్థ (నూతన దర్శకుడు) తెరకెక్కిస్తున్నాడు.

ఈ మూవీ ఏకకాలంలో కన్నడ, తెలుగు భాషల్లో తెరకెక్కుతోంది. భైరవ గీతను తమిళం, హిందీలో కూడా విడుదల చేయాలని చిత్రయూనిట్ ఫిక్స్ అయినట్లు ఫిలింనగర్ వర్గాల సమాచారం. ఈ నెల 26న భైరవగీత థియేటర్లలో సందడి చేయనుంది. నటీనటులు: ధనంజయ, ఇర్రా, సాంకేతిక నిపుణులు :దర్శకుడు: సిద్ధార్థ తాతోలు, సమర్పిస్తున్న వారు : రామ్ గోపాల్ వర్మ, నిర్మాతలు: అభిషేక్ నామా, భాస్కర్ రాశి, బ్యానర్: అభిషేక్ పిక్చర్స్.